30 Sentyabr 2021 19:43
778
CƏMİYYƏT
A- A+

Umayra Tağıyeva: Oktyabr ayında havanın orta aylıq temperaturunun iqlim normasına yaxın olacağı gözlənilir  

Bu ilin sentyabr ayı əsasən bol yağışlı hava ilə seçilib. Mövsümün ilk qarı sentyabrın 26-da gecə saatlarında ölkənin dağlıq ərazilərini nazik ağ örpəyə bürüyüb. Belə ki, Şahdağda qarın hündürlüyü 1 santimetr olub.

Milli Hidrometeorologiya Xidmətinin rəisi Umayra Tağıyeva AZƏRTAC-a bildirib ki, sentyabr ayı ərzində düşən yağıntının miqdarı Bakıda və Abşeron yarımadasında aylıq normanın 360, Qazax-Gəncə bölgəsində 158, Balakən Şəki zonasında 209, Lənkəran-Astara bölgəsində isə 179 faizini təşkil edib. Ay ərzində 6 dəfə dolu hadisəsi müşahidə edilib.

“Çoxillik meteoroloji müşahidələrə əsasən, ay ərzində Bakıda ən çox düşən yağıntı 2016-cı ildə 139.1 millimetr qeydə alınıb, bu da iqlim normasının 809 faizini təşkil edib. Havanın temperaturu isə əsasən komfort göstəricilər ətrafında dəyişib. Bununla yanaşı, ayın əvvəli ilə sonu müqayisə edildikdə böyük temperatur fərqinin olduğu görünür. Belə ki, Bakıda bu ay üçün maksimal temperatur sentyabrın 2-də 36.1°, ən aşağı temperatur isə sentyabrın 26-da 13.7° isti olub. Ayın 24-dən sonra temperatur iqlim normasından 3° aşağı olub”.

Xidmət rəsmisi bildirib ki, ay ərzində Bakıda və Abşeron yarımadasında 61 millimetr miqdarında yağış yağıb, bu da aylıq normadan 3,5 dəfə çox olub: “Yalnız ötən iki sutka ərzində Bakıda 46 millimetr (normanın 276 faizi) yağıntının qeydə alındığını nəzərə alsaq, sürüşmələrə meyilli ərazilərə təsirlərin müəyyən edilməsi vacib olardı. Ümumilikdə, iqlim dəyişmələri fonunda artan təhlükəli hava-iqlim prosesləri, xüsusilə kommunal xidmət sahələrinin bu kimi hallara hazırlıqlı olmasını tələb edir”.

U.Tağıyeva növbəti ayda havanın orta aylıq temperaturunun iqlim normasına yaxın olacağını bildirib: “Aylıq yağıntının miqdarının əsasən iqlim normasına yaxın, bəzi yerlərdə isə bir qədər çox olacağı ehtimal edilir. Ayın əvvəlində şimal, şimal-şərq küləyi əsəcək, hava arabir tutqun və yağışlı olacaq. Bakıda və Abşeron yarımadasında gecələr havanın temperaturunun 11-16°, gündüzlər 17-22°, bəzi günlərdə 25° isti olacağı gözlənilir.

Şərqi Zəngəzur və Qarabağ bölgəsində gecələr havanın temperaturu 1-6°, gündüzlər 9-14° isti, dağlıq ərazilərdə gecə 3-8° şaxta, gündüz 1° şaxtadan 4°-dək isti olacaq. Mərkəzi-Aran zonasında isə gecələr havanın temperaturunun 11-16°, gündüzlər 17-22°, bəzi günlər 25° isti olacağı proqnozlaşdırılır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video