08 Yanvar 2018 09:01
2392
Turizm
A- A+

Ukraynalı turistlər: Qəbələ bizə xoş təəssürat bağışladı

Artıq 3 gündür ki, həyat yoldaşım və övladlarımla birgə Qəbələdə dincəlirəm. Ukraynanın Krivoy Roq şəhərindən bura “CİTA” turizm şirkəti vasitəsilə gəlmişik. İlk dəfə səfər etsək də, buralar bizə çox xoş təəssürat bağışladı. Biz bu günlərdə isti ərəb ölkələrinə səfər etməyi düşünürdük. Lakin, eşidəndə ki, Qəbələdə 12-ci “Veselo” Beynəlxalq Yumor və Musiqi Festivalı keçiriləcək, o zaman Azərbaycana gəlməyə qərar verdik.

Bu sözləri AZƏRTAC-ın bölgə müxbirinə müsahibəsində festivalın iştirakçısı olan ukraynalı turist Aleksandr Pastoves bildirib. O, festivalın çox gözəl ab-havada davam etdiyini, proqramın zəngin olduğunu deyib: “Qəbələnin müxtəlif turizm obyektlərinə, tarixi məkanlarına, görməli yerlərinə səfər edirik, xatirə şəkilləri çəkdiririk. Biz festival çərçivəsində idman və əyləncəli proqramlarda, intellektual oyunlarda, konsertlərdə iştirak edirik. Bundan əlavə, turizm şirkəti tərəfindən bizim istirahətimizin mənalı təşkili üçün idman yarışları, intellektual oyunlar, disko gecələr, kino günləri, yoqa və pilates dərsləri də keçirilir. Hazırda kanatla dağın zirvəsinə qalxmışıq, burada qarı görüb çox sevindik, xizəklə sürüşərək əylənirik. Sabah Nic qəsəbəsindəki qədim “Cotari” Udi Alban Kilsəsini ziyarətə gedəcəyik. Sonra bu bölgənin qədim tarixi barədə məlumat əldə etmək üçün Çuxur Qəbələ kəndinə səfər edəcək və oradakı arxeoloji qazıntı yerlərinə, muzeydəki eksponatlara baxacağıq”.

Tatyana Pastoves də ailəsi ilə birgə Qəbələyə gəldiyinə görə çox şad olduğunu bildirib. “Qəbələnin gözəl təbiəti və insanların qonaqpərvərliyi məni valeh edir. “Veselo” beynəlxalq yumor və musiqi festivalı yüksək səviyyədə təşkil edilib. Mən məzuniyyət günlərimdə istirahət üçün Qəbələni seçdiyimə görə peşman deyiləm. Burada hava təmizdi, çox soyuq deyil. Mən gözəl təbiəti, istirahət mərkəzləri və qonaqpərvər insanları olan Qəbələyə gəlməklə həm də festivalda iştirak edən tanınmış musiqçilərin canlı konsertlərini izləmək imkanı qazanmışam. Bilirəm ki, bu günlərdə Qəbələyə gələn turistlərin hamısı bu festivalın tamaşaçılarıdır. Burada özümüzü yad hiss etmirik. Hamı bizə isti münasibət göstərir, xidmətlərə görə qiymətlər də yaxşıdır”, - deyə Tatyana Pastoves əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video