21 Oktyabr 2021 09:35
938
İDMAN
A- A+

UEFA Çempionlar Liqasının qrup mərhələsinin üçüncü turuna yekun vurulub

 

UEFA Çempionlar Liqasının qrup mərhələsinin üçüncü turuna yekun vurulub.

AZƏRTAC xəbər verir ki, qitənin ən nüfuzlu klub turnirinin son qalibi, H qrupunda yer alan İngiltərənin “Çelsi” klubu öz meydanında İsveçin “Malmö” komandasını qəbul edib.

“Stenford Bric” stadionunda baş tutan görüş meydan sahiblərinin böyük hesablı qələbəsi ilə yekunlaşıb - 4:0. Londonluların heyətində Andreas Kristensen, Jorjinyo (2) və Kay Havertz fərqlənib.

Bu qrupun digər görüşündə “Yuventus” (İtaliya) səfərdə Rusiyanın “Zenit” komandasını minimal hesabla məğlub edib - 1:0. Oyunun taleyin həll edən qol matçın 86-cı dəqiqəsində vurulub. Deyan Kulusevski fərqlənib.

F qrupunda "Mançester Yunayted" İngiltərədə İtaliyanın "Atalanta" komandasını sınağa çəkib. İlk hissədən sonra hesabda geridə olan "qırmızı şeytanlar" ikinci yarıda ardıcıl üç qol vuraraq, əzmkar qələbə qazanıblar. Bu qrupun digər oyununda "Yanq Boyz" İsveçrədə İspaniyanın "Vilyarreal" klubuna uduzub - 4:1.

E qrupunda yer alan, iki turdan sonra xalsız olan və sonuncu pillədə qərarlaşan İspaniyanın "Barselona" klubu Ukraynanın "Dinamo Kiyev” komandasını qəbul edib. “Nou Kamp” stadionunda baş tutan görüş meydan sahiblərinin minimal hesabla qələbəsi ilə başa çatıb - 1:0. Kataloniya təmsilçisinin yeganə qoluna 36-cı dəqiqədə Jerar Pike imza atıb. Qeyd edək ki, bu “Barselona”nın cari mövsüm UEFA Çempionlar Liqasında vurduğu ilk topudur. Bu qrupun digər görüşü - “Benfika” (Portuqaliya) - “Bavariya” (Almaniya) arasında oynanılacaq.

G qrupunda yer alan Almaniyanın "Volfsburq" və Avstriyanın "Zaltsburq" komandaları üz-üzə gəlib. Gərgin keçən görüş avstriyalıların 3:1 hesablı qələbəsi ilə yekunlaşıb. Bu qələbədən sonra "Zaltsburq" 7 xalla birinci, “Volfsburq” isə iki xalla üçüncü yerdə qərarlaşıb. Bu qrupun digər görüşündə “Lill” Fransada İspaniyanın “Sevilya” komandasını qəbul edəcək.

Günün bütün görüşlərində aşağıdakı hesablar qeydə alınıb:

 

E qrupu

"Barselona" (İspaniya) - "Dinamo" (Kiyev, Ukrayna) - 1:0;

"Benfika" (Portuqaliya) - Bavariya" (Almaniya) - 0:4.

Qrupdakı vəziyyət: "Bavariya" - 9, "Benfika" - 4, "Barselona" - 3, “Dinamo" - 1.

F qrupu

"Yanq Boyz" (İsveçrə) - "Vilyarreal" (İspaniya) - 1:4;

"Mançester Yunayted" (İngiltərə) - "Atalanta" (İtaliya) - 3:2.

Qrupdakı vəziyyət: "Mançester Yunayted" - 6, "Atalanta" - 4, "Vilyarreal" - 4, "Yanq Boyz" - 3.

G qrupu

"Zaltsburq" (Avstriya) - "Volfsburq" (Almaniya) - 3:1;

"Lill" (Fransa) - "Sevilya" (İspaniya) - 0:0.

Qrupdakı vəziyyət: "Zaltsburq" - 7, "Sevilya" - 3, "Volfsburq" - 2, "Lill" - 2.

H qrupu

"Çelsi" (İngiltərə) - "Malmö" (İsveç) - 4:0;

"Zenit" (Rusiya) - "Yuventus" (İtaliya) - 0:1.

Qrupdakı vəziyyət: "Yuventus" - 9, "Çelsi" - 6, "Zenit" - 3, "Malmö" - 0.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video