13 May 2012 12:05
415
Təhsil
A- A+

Turnir başa çatmışdır

 

Bakı Dövlət Universitetində (BDU) ulu öndər Heydər Əliyevin anadan olmasının 89-cu ildönümünə həsr edilmiş  fakültələrarası futbol turniri başa çatmışdır.

Turnir BDU-nun Tələbə Həmkarlar İttifaqı Komitəsi, bədən tərbiyəsi və idman kafedrası tərəfindən təşkil edilmişdir. 

AzərTAc xəbər verir ki, bu münasibətlə BDU-nun idman kompleksində keçirilən mərasimdə universitetin rektoru, Milli Məclisin deputatı, akademik Abel Məhərrəmov müdrik rəhbər,  müasir müstəqil dövlətimizin banisi və qurucusu Heydər Əliyevin idmana daim böyük önəm verdiyini, ulu öndərin ideyalarının Azərbaycan Prezidenti İlham Əliyev tərəfindən uğurla həyata keçirildiyini vurğulamışdır.

Azərbaycanda qazanılan uğurlardan danışan akademik A. Məhərrəmov ölkəmizdə elmin, təhsilin, idmanın inkişafına geniş imkanlar yaradıldığını qeyd etmiş, gənclərə yeni nailiyyətlər arzulamışdır.

Futbol turnirində 17 fakültənin komandası iştirak etmişdir. Tarix fakültəsinin komandası birinci, coğrafiya fakültəsinin komandası ikinci, jurnalistika və tətbiqi riyaziyyat və kibernetika fakültələrinin komandaları  üçüncü yeri tutmuşlar.

Turnirdə və idmanın digər növləri üzrə keçirilmiş yarışlarda uğur qazanan komandalar mükafatlandırılmışlar.

Mükafatlandırılma mərasimində Milli Olimpiya Komitəsinin vitse-prezidenti Xəzər İsayev, Yeni Azərbaycan Partiyası Yasamal rayon təşkilatının sədri Fikrət İsmayılov iştirak etmişlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video