29 Iyul 2021 20:58
1011
Mədəniyyət
A- A+

Türkiyənin Bursa şəhərində Nizami Gəncəviyə həsr olunmuş beynəlxalq konfrans başa çatıb  

Azərbaycan-Kipr Dostluq Cəmiyyətinin təşkilatçılığı ilə Türkiyənin Bursa şəhərində dahi Azərbaycan şairi Nizami Gəncəviyə həsr olunmuş beynəlxalq konfransın bağlanış mərasimi keçirilib.

AZƏRTAC xəbər verir ki, şair və mütəfəkkir Nizami Gəncəvinin 880 illik yubileyinə həsr olunan beynəlxalq konfransın bağlanış mərasimində Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rəfael Hüseynov, Azərbaycan-Kipr Dostluq Cəmiyyətinin sədri Orxan Həsənoğlu, Bursanın Yıldırım rayon bələdiyyəsinin sədr müavini Yaşar Elmas və başqaları çıxış ediblər.

Diqqətə çatdırılıb ki, dahi Azərbaycan şairi Nizami Gəncəvinin həyat və fəaliyyətini əks etdirən tədqiqatlar, əsərlərinin müxtəlif dillə tərcüməsi və nəşri, böyük mütəfəkkirin fəlsəfi düşüncəsinin dünya xalqlarına çatdırılması milli vəzifədir. Bu sahədə işlər təxirəsalınmadan davam etməlidir.

Məlumat verilib ki, dünyanın altı ölkəsini təmsil edən yetmişdən çox nümayəndənin, o cümlədən görkəmli ədəbiyyatçıların və Nizamişünas tədqiqatçıların iştirakı ilə keçirilən konfransda iyirmidən çox məruzə və çıxış dinlənilib. Diqqətə çatdırılıb ki, konfrans çərçivəsində panellər keçirilməklə bərabər Beynəlxalq Türk Mədəniyyəti Təşkilatı (TÜRKSOY) tərəfindən Nizami Gəncəvinin əsərlərinə həsr edilən rəsm əsərləri, o cümlədən Özbəkistandakı Azərbaycan Mədəniyyət Mərkəzi tərəfindən özbək dilində nəşr olunmuş Nizami Gəncəvinin külliyyatı, eləcə də Türkiyədə fəaliyyət göstərən “Zengin Yayıncılık” nəşriyyatının Nizami Gəncəvinin kitabları daxil olmaqla nəşrləri, həmçinin TÜRKSOY-un nəşrləri sərgilənib.

Bağlanış mərasimindəki çıxışlarda həmçinin 44 günlük Vətən müharibəsinin rəşadətindən və qazanılmış qələbədən böyük iftixarla danışılıb.

Mərasimdə iştirak edən Elmir Nəsirov Bursadakı “Romatem” reabilitasiya mərkəzində müalicə olunan Fizuli və Xocavəndin düşməndən azad olunması uğrunda gedən döyüşlərdə böyük şücaət göstərərək yaralanan oğlu Elmar Nəsirovun şanlı qələbənin qazanılmasında iştirakından iftixarla danışıb. Döyüşçü igid Elmar Nəsirovun sağlamlığının bərpa olunması üçün göstərilən qayğıya görə, Müzəffər Ali Baş komandan İlham Əliyevə və Birinci vitse-prezidenti Mehriban Əliyevaya səmimi təşəkkürlərini ifadə edən qazi atası “Biz qalib xalqıq. Hamılıqla bu rəşadəti ölkəmizə bəxş edən şəhid və qazilərimizə borcluyuq. Azərbaycan dövləti və xalqı hər zaman qəhrəman övladlarını uca tutacaq. Qələbəmiz əbədidir!”,-deyə fikirlərini bölüşüb.

Azərbaycan və Türkiyə başda olmaqla türk dünyasının təmsil edən konfrans iştirakçıları, görkəmli alimlər qazi atasının duyğusal ifadələrini həmrəylik alqışları ilə qarşılayıblar.

Nizami Gəncəviyə həsr olunmuş beynəlxalq konfransın bəyannaməsi elan olunub.

Konfransa bədii proqramla yekun vurulub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video