26 Aprel 2021 20:58
497
SİYASƏT
A- A+

Türkiyə parlamentində Ermənistanın müharibə cinayətlərinə dair panel müzakirəsi və fotosərgi keçirilib

 

Aprelin 26-da Türkiyə Böyük Millət Məclisində (TBMM) “Ermənistanın müharibə cinayətləri” mövzusunda xüsusi tədbir təşkil olunub.

AZƏRTAC xəbər verir ki, TBMM-in İnsan Haqlarının Araşdırılması Komissiyası tərəfindən hazırlanan, Türkiyə parlamentinin rəhbəri Mustafa Şentopun da iştirakı ilə keçirilən tədbirə rəsmi şəxslər, diplomatlar, elm adamları qatılıblar.

Tədbirin proqramına “İkinci Qarabağ müharibəsi və Ermənistanın müharibə cinayətləri” mövzusunda panel müzakirəsi, “Müharibə cinayətləri” şüarı ilə fotosərgi daxil edilib.

Əvvəlcə iştirakçılar “Müharibə cinayətləri” mövzusunda fotosərgi ilə tanış olublar. Ermənistanın işğalçılıq siyasəti və davamlı hərbi təxribatları nəticəsində ötən il sentyabrın 27-də başlayıb 44 gün davam edən Vətən müharibəsində təcavüzkar tərəfin həyata keçirdiyi müharibə cinayətlərini əks etdirən fotolar erməni vandallığının bariz nümunəsi kimi ziyarətçilərə təqdim olunub. 44 günlük Vətən müharibəsində təcavüzkar Ermənistanın siyasi-hərbi rəhbərliyinin birbaşa göstərişi ilə Azərbaycanın dinc əhalisi, mülki obyektlər, yaşayış məskənləri, infrastruktur düşmənin raket və artilleriyasının hədəfinə çevrilib. Hücumlar nəticəsində baş verən dağıntılar və insan faciələri fotosərgi vasitəsilə dünya ictimaiyyətinə çatdırılıb.

Tədbirin “İkinci Qarabağ müharibəsi və Ermənistanın müharibə cinayətləri” mövzusunda panel müzakirəsinin açılışında Türkiyə Böyük Millət Məclisindin sədri Mustafa Şentop və TBMM-nin İnsan Haqlarının Araşdırılması Komissiyasının sədri, AKP millət vəkili Hakan Çavuşoğlunun çıxışları dinlənilib.

Qeyd edək ki, tədbirin təşkilində məqsəd 1915-ci il hadisələri ilə bağlı Türkiyəyə qarşı irəli sürülən haqsız ittiham və iddialara cavab olaraq, ermənilərin Qarabağ müharibəsi zamanı törətdikləri müharibə cinayətlərini insan haqlarının və hüquqlarının pozulması aspektindən siyasi, hüquqi və elmi baxımdan dünyaya çatdırmaqdır. Türkiyə və türk xalqı hər zaman sülhün, birgəyaşayışın və dostluğun tərəfdarı olub. Avropa İnsan Haqları Məhkəməsi 1915-ci il hadisələrinin müzakirə aspektlərini açıq şəkildə ifadə edib. Bundan başqa, Türkiyə o dövrün gerçəklərini ortaya çıxarmaq məqsədilə 2005-ci ildə ortaq tarixi komissiya yaratmaq təklifi ilə çıxış edib və real addımlar atıb. Təəssüf ki, Ermənistan tərəfi bu humanist addımı da lazımı şəkildə dəyərləndirməyib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video