18:36 18 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Tarix Muzeyində “Həyat” qəzetinin atlas parça üzərində çap olunmuş ilk nömrəsi qorunur
 
ANA SƏHİFƏ / ELM VƏ TEXNIKA
17:15 07.06.2021

 

1905-ci il iyunun 7-də ilk nömrəsi çapdan çıxmış “Həyat” qəzeti mətbuat tariximizdə özünəməxsus cəhətləri ilə qalıb.

Milli Azərbaycan Tarixi Muzeyindən AZƏRTAC-a bildirilib ki, Sənədli mənbələr fondunda “Həyat” qəzetinin atlas parça üzərində çap edilmiş ilk nömrəsi və Hacı Zeynalabdin Tağıyevin mətbəəsində açıq qəhvəyi ipək parça üzərində çap edilmiş 89-cu nömrəsi qorunur (1906-cı il, 24 aprel). Qəzetin ilk nömrəsində ideya istiqamətləri, məqsədləri diqqətə çatdırılıb, milli məsələlər, ana dilinin inkişafı və maarifçiliyə dair problemlərə toxunulub.

“Həyat” qəzetinin təməlini quranlar Əlimərdan bəy Topçubaşov (naşir), Əhməd bəy Ağaoğlu (redaktor) və Əli bəy Hüseynzadə (redaktor) idi. Qəzetin nəşrini isə azərbaycanlı milyonçu, mesenat Hacı Zeynalabdin Tağıyev mailiyyələşdirib.

İlk nömrədə dərc olunmuş "Qəzetimizin məsləki" sərlövhəli məqalədə mətbuatın xalqın həyatında, cəmiyyətin inkişafında önəmi vurğulanıb: “İnsan üçün munis bir yoldaş, xeyirxah bir müəllim, nafiz bir məktəbdir, həm də zillətdə qalanlara doğru yolu, hidayət yolunu göstərir".

Azərbaycan türkcəsində nəşr olunmuş bu qəzet ilk gündən ziyalıların günün aktual mövzularına dair çıxış etdiyi tribunaya çevrilib. Eyni zamanda, Bakıda Azərbaycan türkcəsində qəzetin çıxması ermənilərin kəskin reaksiyasına səbəb olub.

“Həyat”ın ana dilində nəşr olunması qəzeti Azərbaycan cəmiyyətində olduqca populyar edib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM