11:19 28 Oktyabr 2021
ONLINE XƏBƏR LENTİ
02:47 28.10.2021

Zəngəzur dəhlizi


02:41 28.10.2021

28 oktyabr


02:35 28.10.2021

Şuşanın incisi


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Taliblər insan oğurluğunda ittiham olunan dörd nəfəri edam edib
ANA SƏHİFƏ / DÜNYA
19:59 25.09.2021

 

Əfqanıstanda hakimiyyətə gələn “Taliban” hərəkatı insan oğurluğunda ittiham olunan Herat əyalətinin dörd sakinini edam edib.

AZƏRTAC yerli Aamaj News agentliyinə istinadla xəbər verir ki, cinayətkarlar böyük izdiham qarşısında dar ağacından asılıb. “Taliban” hələlik hadisə ilə bağlı şərh verməyib. Bir müddət öncə hərəkatın banilərindən biri molla Nurəddin Turabi Associated Press agentliyinə müsahibəsində taliblərin oğurluq hallarına görə əzaların kəsilməsi də daxil olmaqla ictimai edamları bərpa etməyi planlaşdırdığını bildirib.

“Taliban” hərəkatının hakimiyyətdə olduğu 1996-2001-ci illərdə daşqalaq, əzaların kəsilməsi, asılaraq edam kimi ictimai cəzalar ölkədə geniş yayılmışdı. Cəzalarla bağlı qərarlar taliblərin qurduğu üç şəriət hakimindən ibarət xüsusi tribunallar tərəfindən verilir və ölkə rəhbərliyinin təsdiqindən sonra həyata keçirildi. Taliblərin hakimiyyətdən uzaqlaşdırılması ilə Əfqanıstanda bu cür ictimai cəza növləri ləğv edilmişdi.

Xatırladaq ki, avqustun 15-də “Taliban” hərəkatı paytaxt Kabilə döyüşsüz daxil olaraq hakimiyyəti tam ələ keçirib. Ölkə Prezidenti Əşrəf Qani öz postunu tərk edərək Birləşmiş Ərəb Əmirliklərinə sığınıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM