Şuşanın işıqları Xankəndinin gözünü qamaşdırır
Ermənistanda isə yeni bahalaşma dalğası başlanır
Ermənistanda ağır sosial-iqtisadi vəziyyət yeni inflyasiya göstəricilərinin fonunda özünü daha qabarıq büruzə verməyə başlayıb. “İrates” qəzeti son günlər mağazalarda ərzaq məhsullarının qiymətinin qalxdığını qeyd edir. Bunu Ermənistanın Milli Statistika Xidmətinin məlumatları da təsdiqləyir.
Qurumun bildirdiyinə görə, iyulda ölkədə inflyasiya illik hesablama üzrə 8,2 faiz təşkil edib. Bu halda ərzaq məhsulları üzrə qiymətlərin artımı cari il ilk dəfə ikirəqəmli olub və 13,9 faizə çatıb. Qeyd edilir ki, ölkədə qida məhsulları qrupunda düyü (13,4 faiz), çörək (8,6 faiz), donuz əti (32,2 faiz) və toyuq əti (24,3 faiz) bahalaşıb. İl ərzində qiymətlərdə ən böyük artım (51,3 faiz) yumurtada müşahidə olunub. Amma bu o demək deyil ki, başqa ərzaq məhsulları az bahalaşıb. Məsələn, iyul ayında kartofun orta qiyməti 38,4, tərəvəz qrupu üçün 53,1 faiz artıb. Kərə yağı isə il ərzində 15,9 faiz bahalaşıb.
Bahalaşma qeyri-ərzaq məhsulları qrupunda müşahidə olunub. Belə ki, təkcə texniki malların (soyuducular, paltaryuyan maşınlar, qaz sobaları və digərlərinin) qiymətləri 13,2 faiz bahalaşıb. Siyahını davam etmək mümkündür, çünki demək olar bütün mallar və xidmətlərin qiymətlərində bahalaşma qeydə alınıb.
Ermənistanın Milli Statistika Xidməti bildirir ki, bahalaşma ailə büdcəsi məhdud olan bir çox evlərin həyat səviyyəsinin ciddi şəkildə pisləşdiyini və ölkədə yoxsulluğun miqyasının artdığını göstərir. İqtisadçı Suren Parsyan isə vəziyyətin daha da ağırlaşacağını qeyd edir. Onun sözlərinə görə, Mərkəzi Bank inflyasiyanı idarə edə bilmir və yeni qiymət artımları gözlənilir: “Ötən ay Ermənistan Mərkəzi Bankı bu il dördüncü dəfə yenidən maliyyələşdirmə faizini 7 faizə qaldırdı. Yenidən maliyyələşdirmə faizinə növbəti dəfə baxılmasının səbəbi inflyasiyanın gündən-günə artmasıdır”. O həmçinin bildirir ki, Ermənistan Mərkəzi Bankının əsas vəzifəsi qiymət sabitliyini təmin etməkdir: “2020-ci il ərzində Ermənistan Mərkəzi Bankı yenidən maliyyələşdirmə dərəcəsini 5 dəfə dəyişib. Mərkəzi Bank işgüzar aktivliyi stimullaşdırmaq üçün yenidən maliyyələşdirmə faizini aşağı saldı, lakin praktikada bu, kredit faizlərinin azalmasına səbəb olmadı. İqtisadi və siyasi risklər üzündən kredit faizləri artmağa davam etdi. Aydındır ki, uğursuz pul siyasəti alətləri ilə Mərkəzi Bank qiymət sabitliyini təmin edə bilməz. Dağ-mədən sənayesinin və tikintinin aktivliyi və real sektora investisiya qoyulmadığı bir şəraitdə Ermənistanda malların qiymətləri artmaqda davam edəcək. Dramın məzənnəsinin müvəqqəti qalxması belə, malların bahalaşmasının qarşısını almayacaq. Dünya bazarında ərzaq məhsullarının bahalaşması da Ermənistanda yeni inflyasiyaya səbəb olacaq”.
Artıq İrəvanda büdcənin, ölkədəki sosial durumun Qarabağ müharibəsinə görə ikiqat zərbə alması aşkar şəkildə etiraf edilir. Erməni iqtisadçı Hakop Koçaryan Ermənistanda qiymətlərin yenə də yüksək olmasını və hələ yüksəlməyə davam etdiyini vurğulayır: “Yeni tarif ili yaxınlaşdıqca, kommunal xidmətlərin tariflərinə yenidən baxılması prosesi gözlənilir. Bu istiqamətdə bəzi şirkətlər satış qiymətinin dəqiqləşdirilməsi və növbəti il üçün qiymətlərin müəyyənləşdirilməsinə görə Tarif Şurasına müraciət edib. Bağlanılan müqaviləyə əsasən şirkətlər hər il belə bir təşəbbüslə çıxış etmək hüququna malikdir və bundan yararlanırlar”.
Bu arada Konstitusiya Məhkəməsinin keçmiş aparat rəhbəri Edqar Qazaryan “Facebook” hesabında yazıb ki, Ermənistan prezidenti Armen Sarkisyan ölkəyə qayıtmaq istəmir: “Prezidentin ofisi Armen Sarkisyanın 9 avqust 2021-ci ildə tətilə getdiyini açıqlayıb. 22 gün keçib, amma xaricdə istirahət edən prezident hələ də Ermənistana qayıtmır. Bu müddət ərzində onun adından fərmanlar, təbriklər və başsağlığı verilib, ancaq fiziki olaraq iştirak etdiyi görüşlər qeydə alınmayıb”. O da qeyd olunur ki, xarici səyahətləri sevən prezident hələ də Ermənistanda özünü rahat hiss etmir, bu ölkədən qaçmaq və geri dönməmək üçün daim fürsət axtarır.
Ermənistanda davam edən siyasi, sosial-iqtisadi fəlakətin fonunda isə “Hraparak” qəzeti gündəmdən kənara çıxaraq Azərbaycanın Şuşa şəhərində genişmiqyaslı tikinti-abadlıq işləri həyata keçirdiyindən yazıb. Nəşr indi Şuşanın işıqlarının gecələr hətta Xankəndidən göründüyünü qeyd edir: “Yol və tuneldən əlavə yüksək gərginlikli elektrik stansiyası da tikilib. Şuşaya aparan yolda, hələ sovet illərində tikilmiş və Şuşanı qidalandıran yarımstansiyanın bir neçə metrliyində cəmi bir neçə ay ərzində yeni yarımstansiya tikilib, indi bu yarımstansiya Şuşanı elektriklə qidalandırır və şəhəri işıqlandırır. Azərbaycan işıqları ilə möhtəşəm şəkildə işıqlandırılmış Şuşa şəhəri indi hətta Xankəndidən görünür. Ruslar isə Azərbaycan hərbçilərinin baxışları altında Xankəndinə keçib gedənlərin pasportlarını yoxlayır”.
Göründüyü kimi, artıq Ermənistan vətəndaşları sabaha ümidsiz baxırlar. Bu isə o deməkdir ki, ölkəni yeni xaos gözləyir.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!