Süni zəka konsepsiyası elmi fantastikanın əsas elementlərindən birinə çevrilib. Özünü inkişaf etdirən sistemlər və proqram təminatı ilə bu konsepsiya indi cibimizə də sığır. Artıq ultra “ağıllı” telefonların dövrü başlayır desək, yanılmarıq.

“Huawei” şirkəti dünyada ilk dəfə “Kirin 970” adlı süni intellektə sahib prosessor istehsal edib.  Sahib olduğu NPU (Sinir şəbəkəsi Generasiya Vahidi) ilə süni intellekt prosesləri daha sürətli və enerji qənaətli olacaqdır. NPU bölməsi indiyə qədər istifadə olunan mobil prosessorlarla müqayisədə 25 qat daha sürətli işləmə gücü təklif edən bir texnologiyadır və bu üstünlüyə baxmayaraq enerji istehlakında 50 dəfəyə qədər qənaət edir.

Süni zəkanın əsas vuruşacağı nöqtə smartfonlardakı virtual köməkçiləri ilə quracağı ünsiyyətdir. “Siri”, “Bixby”, “Google Assistant” kimi köməkçilərdən əlavə “Google TensorFlow”, “Facebook Caffe2” və “Android NN” kimi süni zəka platformaları ilə uyğunluq bu prosessoru əlverişli vəziyyətə gətirəcəkdir.

 NPU-nun bir telefonda nə edə biləcəyini düşünənlər üçün gündəlik etdiyinizi öyrənən və izləyən bir telefon nümunəsi olduğunu deyə bilərik. Bu telefon NPU bölməsi və lazımi proqram dəstəyi sayəsində bütün vərdişlərinizi öyrənə biləcək. Yatma və yuxudan oyanma, işə getmə və dönmə saatlarını bilərək buna uyğun proqram hazırlaya biləcək bir zəka olacaq.

“Qualcomm”, NPU bölməsini insan beyninə bənzər olaraq təyin edir. Ənənəvi prosessorlar bunun üçün bir əməli hərəkət gözləyirlər, ancaq NPU vahidləri bir insan beyni kimi işləyir. Həm də bir əməliyyat etməzdən əvvəl başqa bir əməliyyatın həyata keçirilməsinin zəruriliyini aradan qaldırır.