Sosial layihələrin icrası davam edir
Koronavirus pandemiyası mahiyyətinə görə planetdə nəinki əsrimizin, hətta ötən yüzilliyin böhranlarını kölgədə qoyan müdhiş və müəmmalı böhrana çevrilir. Heç kim nə baş verdiyini anlamır, yaxın qonşularımızda və uzaq ölkələrdə iqtisadiyyat çökür. ABŞ-da işsizlərin sayı 15 milyonu keçir, digər ölkələrdə də bu rəqəmlər vahiməli həddə çatır. Bir sıra regionlarda kütlələrin narazılıqları artır, milyonlarla insan iş yerlərinin bərpa olunmasını, karantinin tələblərinin yumşaldılmasını tələb edirlər.
Dünyanın məşhur KİV-nin demokratik imici sabun köpüyü kimi partlayır və ruhdan düşən insanlar ümidlərini itirir, pandemiya psixozu bütün ümidləri məhv edir. Artıq dünya iqtisadiyyatına dəyən ziyanın bu il 6 trilyona yaxınlaşacağı, meqoiqtisadiyyatın dirçəlməsinin bir necə il uzanacağı ehtimal olunur. Dünyanın nəhəng avtomobil zavodlarının və sərnişin təyyarələrinin istehsalı dayandırılmışdır. Ən güclü dövlətlərin belə liderlərinin siyasi mövqeləri ləngərləyir, qaranlıq və müəmmalı görünən reallıqlar çıxış yollarını tapmağa imkan vermir.
Azərbaycan da dünyanın ayrılmaz bir hissəsi olduğu üçün baş verənlərdən təcrid deyil. Lakin dövlət başçısının praqmatik zəruri addımları vaxtında atmaq və təhlükələrin qarşısını qətiyyətlə almaq, hər bir kəsin dərdini anlamaq və dayaq durmaq bacarığı bizə ölkəmizdə dünyadan fərqli reallıqları müşahidə etməyə imkan verir.
Gözə görünən odur ki, Prezident İlham Əliyev hər zaman hadisələrin önündədir, onun idarə etdiyi Azərbaycan adlı gəminin sükanı etibarlı əllərdədir. İslahatlar pandemiyadan əvvəlki dövrdə olduğu kimi davam edir, vacib iqtisadi və sosialyönümlü layihələrin icrası təxirə salınmır. Dünyada mövcud olan siyasi və iqtisadi gərginliyə rəğmən ölkəmizdə, demək olar ki, heç bir sahədə fəaliyyət zənciri qırılmır. Karantin rejiminin yumşaldılması, bəzi təşkilat və müəssisələrin, ticarət şəbəkələrinin yenidən fəaliyyətə başlaması, karantin günlərində verilən icazələrin müddətinin iki saatdan üç saata kimi uzadılması insanlarda əminlik yaradır, onların dövlətə olan inamını artırır.
Bu baxımdan aprelin 24-də Xızı rayonunun Ağdərə kəndindən Sumqayıt şəhərinə çəkilən magistral qaz kəmərinin açılışında dövlət başçısının iştirak etməsi mühüm əhəmiyyət kəsb edir. Prezident yenə də çətin günlərdə sadə insanlarla birlikdədir, onların qayğılarına şərik çıxır və planeti kabus kimi bürüyən pandemiyaya baxmayaraq, islahatları qətiyyətlə davam etdirir, sosial məsələlərin həllinin dövlət üçün bir nömrəli məsələ olduğunu növbəti dəfə təsdiqləyir.
60 kilometrlik yeni Ağdərə-Sumqayıt qaz xəttinin çəkilişinin vaxtından əvvəl başa çatması və şəhərin dairəvi qaz xəttinin təmin edilməsi mühüm hadisədir. Tədbirdə çıxış edən Prezident İlham Əliyev kəmərin çəkilişini əhalini təbii qazla təmin etmək işində önəmli addım kimi qiymətləndirmiş və Sumqayıt Texnologiyalar Parkında 10-dan çox zavodun fəaliyyət göstərdiyini, Sumqayıt Kimya Sənaye Parkında bir neçə müəssisənin tikintisinin davam etdirildiyini bildirmişdir: "Onların arasında əyirici boya fabrikinin tikintisini xüsusi qeyd etməliyəm. Çünki bu, bizim xalçaçılıq sənayemizin inkişafı üçün çox önəmli layihədir. Eyni zamanda şüşə zavodu da inşa edilir. Biz şüşələri xaricdən idxal edirik və bu zavod işə düşəndən sonra artıq idxaldan asılılığı aradan götürəcəyik”.
Dövlət başçısı Sumqayıtda Azərbaycan sənayesinin flaqmanları sayılan iki nəhəng polimer və karbamid zavodlarının inşası sayəsində qeyri-neft sektorunda böyük ixrac imkanlarının yarandığını vurğulamışdır: "Bildirməliyəm ki, indi dünyada böhranlı vəziyyətdir, demək olar, ölkələr arasındakı iqtisadi əlaqələr müəyyən dərəcədə zədələnib və iqtisadi fəallıq bütün dünyada aşağı düşüb. Buna baxmayaraq üç ayda Azərbaycanda qeyri-neft sənaye sahəsində artım 23 faizdir. Bunun böyük hissəsi yeni yaradılmış sənaye müəssisələrinin hesabınadır. Beləliklə, biz bu müəssisələri yaratmaqla həm daxili tələbatı ödəyirik, idxaldan asılılığı aradan götürürük, həm də vətəndaşları işlə təmin edirik. Artıq Sumqayıtda minlərlə yeni iş yeri yaradılıb. Son illər ərzində Sumqayıtda bütün sənaye və infrastruktur obyektlərinin açılışlarında mən şəxsən iştirak etmişəm. Son 16 il ərzində bəlkə də 30 dəfəyə yaxın Sumqayıtda olmuşam və şəhərin inkişafı ilə bağlı şəxsən maraqlanıram, bütün məsələləri nəzarətdə saxlayıram”.
Dünyada koronavirus pandemiyasının tüğyan etdiyi, yüz minlərlə müəssisənin çökdüyü bir vaxtda Sumqayıtın inamla Cənubi Qafqazın ikinci böyük və müasir sənaye şəhəri kimi inkişaf etməsi ölkədə islahatların ruhunun tərəqqiyə kökləndiyini göstərir. Vaxt var idi ki, hətta maşınla bu şəhərin kənarından keçib gedəndə belə tullantı qazların iyindən adam boğulurdu və nəfəs almaq mümkün deyildi. Sovet İttifaqında ekoloji baxımdan ən çirkli şəhərlərdən biri olan Sumqayıt indi ən təmiz şəhərlərdəndir. Çünki burada istifadəyə verilən bütün yeni müəssisələr ekoloji normalara tam cavab verir.
Prezident İlham Əliyev şəhərin necə müasirləşdiyini belə qiymətləndirmişdir: "Sumqayıt doğrudan da bu bölgənin, regionun çox müasir sənaye şəhərlərindən biridir. Eyni zamanda, əlbəttə, şəhərin infrastrukturu yenilənir, şəhər abadlaşır, insanlar üçün gözəl imkanlar yaradılır. Təkcə Sumqayıt bulvarını qeyd etmək kifayətdir, qısa müddət ərzində gözəl bir istirahət zonası yaradılmışdır. Bu gün Sumqayıt parklar, bağlar şəhəridir. Eyni zamanda burada məskunlaşmış köçkünlər üçün də yeni layihələr icra edilir. Hazırda burada - yaxınlıqda məcburi köçkünlər üçün yeni şəhərcik salınır və orada 3 mindən çox köçkün ailəsi yerləşdiriləcək. Beləliklə, Sumqayıt şəhərinin köçkün problemi böyük dərəcədə öz həllini tapacaq. Bu gün hələ də ağır vəziyyətdə yaşayan köçkünlər bilməlidirlər ki, növbə onlara da çatacaq. Biz hər bir köçkünü yerləşdirəcəyik, onlar üçün ən müasir şərait yaradılır”.
Bu mürəkkəb günlərdə dövlət başçısının atdığı addımlar milyonlarla insana nikbinlik bəxş edir, ümid verir. Reallıq odur ki, Azərbaycanda heç kimə gələcək müəmmalı görünmür və hamımız tədricən koronavirusun vahiməsindən uzaqlaşdığımızı hiss edirik. Azərbaycan Prezidenti hamını əmin edir ki, heç bir sosial layihənin icrası dayandırılmayacaq, heç bir sosial proqram ixtisar edilməyəcək: "Azərbaycan sosial dövlətdir və siyasətimizin mərkəzində Azərbaycan vətəndaşıdır. Bu gün koronavirus dövründə bizim əsas amalımız Azərbaycan xalqını bu bəladan qorumaqdır”.
Bahadur İMANQULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!