06:45 16 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Sorğu: Pandemiya Ramazan bayramına necə təsir edəcək?
ANA SƏHİFƏ / CƏMİYYƏT
14:36 20.04.2021

 

Artıq ikinci ildir ki, Qurani-Kərimin nazil olduğu, on bir ayın sultanı mübarək Ramazan ayı pandemiya dövrünə təsadüf edir. COVID-19 virusunun hökm sürdüyü bir dövrdə vətəndaşların Ramazan ayını necə keçirəcəyi ilə bağlı fikirlərini öyrənmək məqsədilə Media Təhlil Mərkəzi (MTM) tərəfindən sorğu keçirilib.

Mərkəzdən AZƏRTAC-a bildiriblər ki, sorğuda iştirak edənlərin 50 faizini qadınlar, digər yarısını isə kişilər təşkil edib.

Nəticələr göstərir ki, respondentlərin 43,3 faizi hər il oruc tutsa da, 28,4 faizi oruc tutmur. Müəyyən səbəblərə görə bəzən oruc tuta bilməyənlər sorğu iştirakçılarının 21,8 faizini təşkil edir. Respondentlərin 3,6 faizi bu il ilk dəfə oruc tutacağını qeyd edib. Hər il oruc tutduğu halda bu il oruc tuta bilməyəcəyini bildirənlər isə cavab verənlərin 2,9 faizini təşkil edib.

İştirakçıların 45,9 faizi hesab edir ki, pandemiya səbəbilə iftar süfrələri və dini mərasimlər təxirə salınacaq. Pandemiyanın Ramazan ayına təsir etməyəcəyini qeyd edənlər respondentlərin 24,5 faizini, oruc tutanların sayına isə təsir edəcəyini proqnozlaşdıranlar 19,9 faizini təşkil edir. Respondentlərin 9,7 faizi isə düşünür ki, distant rejimdə işləyənlər üçün oruc tutmaq daha rahat olacaq.

İştirakçıların 14,7 faizi pandemiya dövründə oruc tutacağı üçün virusa yoluxma riskini nəzərə alaraq kütləvi yerlərə getməyəcəyini qeyd edib. Fəaliyyətini evdə davam etdirəcəyini deyənlər respondentlərin 11,4 faizini, günün çox hissəsini açıq havada gəzməklə keçirəcəyini qeyd edənlər 11,3 faizini təşkil edir. Respondentlərin 62,5 faizinin isə Ramazan ayı ilə bağlı xüsusi planı yoxdur.

Sorğuda iştirak edənlərin 67,2 faizi karantinlə bağlı olaraq Ramazan bayramını evdə qeyd edəcəyini, 8 faizi rayona, 0,7 faizi isə xarici ölkəyə səfər edəcəyini qeyd edib. Nəticələr göstərir ki, sorğu iştirakçılarının 24,1 faizi Ramazan bayramını qeyd etməyəcək.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM