20 Oktyabr 2021 16:09
966
SİYASƏT
A- A+

Səməd Seyidov: Azərbaycan, Türkiyə və Gürcüstan arasındakı üçtərəfli əməkdaşlıq regionun digər ölkələri üçün cəlbedici və faydalıdır 

 

Türkiyə Böyük Millət Məclisində (TBMM) Azərbaycan, Türkiyə və Gürcüstan parlamentlərinin xarici əlaqələr komitələrinin altıncı üçtərəfli görüşü səmərəli keçdi. Görüşdə ölkələrimiz arasındakı yüksək səviyyəli münasibətlərə və geniş əlaqələrə dair səmərəli müzakirələr apardıq. Sevindirici haldır ki, bu görüşdə Azərbaycanı ərazi bütövlüyünü bərpa edən ölkə kimi təmsil edirdik.

AZƏRTAC xəbər verir ki, bu sözləri Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.

Prezident, Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun qazandığı şanlı Qələbənin regionda sülh, sabitlik və inkişafın qorunması üçün yeni şərait yaratdığını xatırladan komitə sədri vurğulayıb ki, bu Zəfər təkcə ölkəmizin ərazi bütövlüyünün bərpası deyil, eyni zamanda, beynəlxalq səviyyədə haqq və ədalətin bərqərar olmasıdır.

Azərbaycan, Türkiyə və Gürcüstan parlamentlərinin xarici əlaqələr komitələrinin yeddinci toplantısının 2022-ci ildə Azərbaycanda keçirilməsinin nəzərdə tutulduğunu diqqətə çatdıran Səməd Seyidov bildirib ki, üçtərəfli formatdakı əməkdaşlıq və onun nəticələri regionun digər ölkələri üçün cəlbedici və faydalıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video