Satoşi Nakanişi: Yaponiya Azərbaycanla əməkdaşlığın genişləndirilməsində maraqlıdır
Yaponiya Azərbaycan ilə münasibətlərin daha da inkişafında və əməkdaşlığın genişləndirilməsində maraqlıdır.
AZƏRTAC xəbər verir ki, bu fikri Yaponiya Xarici İşlər nazirinin parlament üzrə müavini, Yaponiya parlamentinin müşavirlər palatasının üzvü Satoşi Nakanişi Azərbaycanın bu ölkədəki səfiri Gürsel İsmayılzadə ilə görüşü zamanı səsləndirib.
Görüşdə qəbula görə minnətdarlığını bildirən səfir Azərbaycanın hazırkı vəziyyəti, ölkədə COVID-19 pandemiyasının qarşısının alınması tədbirləri haqqında ətraflı bəhs edib.
Səfir Azərbaycan-Yaponiya ikitərəfli münasibətlərinin inkişafı səviyyəsindən Azərbaycan tərəfinin məmnunluğu ifadə edib, iki ölkə arasında iqtisadi cəhətdən çoxsahəli əməkdaşlığın genişləndirilməsi üçün böyük potensialın mövcudluğunu həmsöhbətinin diqqətinə çatdırıb.
Nazir müavini verilən məlumatlara görə, təşəkkürünü bildirib, Yaponiyadakı vəziyyət, koronavirus pandemiyasının yayılmasının qarşısının alınması istiqamətində görülən tədbirlər, “Tokio-2020” Olimpiya və Paralimpiya Oyunlarının bu ilin yayında keçirilməsi ilə bağlı hazırlıq işləri haqqında məlumat verib. S.Nakanişi Yaponiyanın Azərbaycan ilə münasibətlərin daha da inkişafı və əməkdaşlığın genişləndirilməsində maraqlı olduğunu vurğulayıb, bu istiqamətdə lazımı dəstək göstərəcəyini bildirib.
G.İsmayılzadə qeyd edib ki, Azərbaycan və Ermənistan arasında hərbi əməliyyatların dayandırılması və tam atəşkəsin elan olunması ilə bağlı birgə bəyanat 2020-ci il noyabrın 10-da Azərbaycan Prezidenti, Ermənistanın baş naziri və Rusiya Prezidenti tərəfindən imzalanıb. Bu bəyanata əsasən, Azərbaycanın Ermənistan tərəfindən 30 ilə yaxın işğal olunmuş əraziləri 2020-ci il dekabrın 1-dək azad edilib və oradan qovularaq qaçqına çevrilmiş insanlar öz evlərinə qayıdacaqlar. G.İsmayılzadə qarşı tərəfin diqqətinə çatdırıb ki, erməni işğalçıları ərazilərimizi tərk edərkən, burada yerləşən evləri, məktəbləri, meşələri yandırıb, mədəni və dini abidələri məhv edib, qədim Alban kilsələrini talayıb, dini əşya və atributları Ermənistana daşıyıblar. Səfir vurğulayıb ki, Ali Baş Komandan İlham Əliyevin rəhbərliyi, sarsılmaz iradəsi və Milli Ordumuzun igidliyi sayəsində Vətən müharibəsində Azərbaycan böyük Qələbə qazanıb.
S.Nakanişi müharibə zamanı həlak olmuş mülki əhali və hərbiçilərin ailələrinə baş sağlığının çatdırılmasını xahiş edib, yaralanmış insanların tezliklə sağalmasını arzuladığını bildirib. Qeyd edib ki, Yaponiya atəşkəs barədə bəyanatın imzalanmasını alqışlayır və regionda stabilliyin bərqərar olmasını dəstəkləyir.
İkitərəfli münasibətlərin inkişaf perspektivlərinin müzakirə edildiyi görüşdə nazir müavini 2022-ci ildə Azərbaycan və Yaponiya arasında diplomatik əlaqələrin qurulmasının 30 illiyinin qeyd ediləcəyini xatırladıb. Bununla əlaqədar müxtəlif tədbirlərin təşkil olunmasını, o cümlədən qarşılıqlı səfərlərin nəzərdən keçirilməsini təklif edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!