10:58 01 Mart 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Rusiya Prezidenti Qarabağa dair üçtərəfli Bəyanatın ardıcıl olaraq həyata keçirilməsinin vacibliyini qeyd edib
 
ANA SƏHİFƏ / SİYASƏT
18:49 27.01.2021

 

Rusiya Dağlıq Qarabağ regionunda silahlı münaqişəni dayandırmaq üçün fəal vasitəçilik səyləri göstərib.

AZƏRTAC xəbər verir ki, Rusiya Prezidenti Vladimir Putin bu fikri “Davos həftəsi” forumunda videorabitə vasitəsilə çıxışında söyləyib.

V.Putin qeyd edib ki, Dağlıq Qarabağ münaqişəsinə cəlb edilmiş Azərbaycan və Ermənistan xalqları Rusiyaya yaxın xalqlardır. RF Prezidenti vurğulayıb: “Bu halda biz ATƏT-in Minsk qrupunun, xüsusən onun həmsədrləri Rusiya, ABŞ və Fransanın əldə etdiyi əsas razılaşmalara riayət etməyə çalışmışıq. Bu da əməkdaşlığın çox yaxşı nümunəsidir. Məlum olduğu kimi, noyabr ayında Rusiya, Azərbaycan və Ermənistan arasında üçtərəfli Bəyanat imzalanıb. Həmin Bəyanatın, ümumiyyətlə, ardıcıl surətdə həyata keçirilməsi vacibdir. Ən başlıcası, qan tökülməsini dayandırmağa, tam atəşkəsə nail olmuşuq və sabitləşmə prosesinə başlamışıq”.

Onun fikrincə, indi beynəlxalq birliyin və münaqişənin həllində iştirak edən ölkələrin qarşısında münaqişədən zərər çəkmiş rayonlara qaçqınların qaytarılması, dağıdılmış infrastrukturun bərpası, həmçinin tarixi, dini və mədəni abidələrin bərpası ilə bağlı humanitar problemlərin həllinə kömək göstərmək vəzifəsi dayanır.

Rusiya Prezidenti ölkələr arasında münaqişələrin nizamlanmasına Astana formatı kimi çoxtərəfli yanaşmanın vacibliyini qeyd edib. V.Putin Astana formatını nümunə göstərərək bildirib ki, həmin format çərçivəsində Rusiya, İran və Türkiyə “Suriyada vəziyyətin sabitləşməsi üçün çox iş görüblər”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM