06 Avqust 2021 22:33
843
CƏMİYYƏT
A- A+

Rəcəb Bilgin: Azərbaycanlı qardaşlarımız çətin günlərimizdə dərhal köməyimizə gəldilər

 

Azərbaycandan gələn yanğın-xilasetmə qrupunu yüksək səviyyədə qarşılamaq üçün buradayıq. Qardaşlarımızı burada görməkdən çox məmnunuq.

Bu sözləri Türkiyənin Kaçkar gömrük və xarici ticarət üzrə regional idarəsinin müdiri Rəcəb Bilgin AZƏRTAC-ın müxbirinə müsahibəsində deyib.

Azərbaycanlı yanğınsöndürənlərin Türkiyədə meşə yanğınlarının söndürülməsində fədakarlıq göstərmələrinin ölkələrimiz və xalqlarımız arasında qardaşlığın daha bir nümunəsi olduğunu vurğulayan R.Bilgin deyib: “Azərbaycanlı qardaşlarımızı layiqli şəkildə qarşılamaq üçün bütün heyətimizlə birlikdə buradayıq. Onlar bizim çətin günlərimizdə dərhal köməyimizə gəldilər. Buna görə Azərbaycan xalqına ürəkdən minnətdarıq. Bu dəstək “bir millət, iki dövlət” olduğumuzu bir daha nümayiş etdirir”.

Qeyd edək ki, Türkiyədə meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikasının Prezidenti İlham Əliyevin tapşırığına uyğun olaraq, Fövqəladə Hallar Nazirliyinin (FHN) yanğın-xilasetmə qüvvələrinin avqustun 5-də qardaş ölkəyə yola salınan üçüncü qrupu bu gün saat 16 radələrində Türkiyə ərazisinə daxil olub. Qrupun üzvləri qardaş ölkəyə daxil olduğu andan aidiyyəti qurumların nümayəndələri və yerli əhali tərəfindən böyük coşqu ilə qarşılanıb. Hazırda qrupun üzvləri təyinat məntəqəsi istiqamətində hərəkət edir. Səfərdə media nümayəndələri də iştirak edirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video