Qürur doğuran 3 il
Azərbaycanda yeni keyfiyyət dəyişikliklərinin əsasının qoyulduğu son prezident seçkilərindən 3 il ötür. Bu seçki ilk növbədə bəlli həqiqətə yeni işıq salaraq göstərdi ki, İlham Əliyev öz xalqının yüksək etimadına malikdir. Seçkidə iştirak edən vətəndaşların 86 faizindən çoxunun öz səsini məhz İlham Əliyevə verməsi təsdiq etdi ki, Azərbaycan xalqı respublikamızın yüksəlişinə və qüdrətlənməsinə aparan siyasi xətti birmənalı dəstəkləyir.
Bu qələbənin təməlində Prezident İlham Əliyevin respublikamıza rəhbərlik etdiyi 2003-cü ildən ötən on beş il ərzində gördüyü işlər, Azərbaycanın iqtisadiyyatında, sosial həyatında və digər sahələrdə qazanılan əzəmətli uğurlar, Heydər Əliyev yoluna olan inam dayandı. Bütün bunları rəhbər tutan seçicilərin mütləq əksəriyyəti seçimini məhz ötən dövrün sosial-iqtisadi uğurların nəticəsini göstərən səmərəli islahatların üzərində qurdu. Seçkilərin nəticəsi göstərdi ki, vətəndaşlar Prezident İlham Əliyevin sabitliyə, sülhün və firavanlığın möhkəmləndirilməsinə, dövlətçiliyimizin qüdrətlənməsinə, ölkənin sosial-iqtisadi inkişafına xidmət edən siyasətini dəstəkləyir və çox böyük etimad bəsləyir. Bu etimad həm də perspektiv nailiyyətlərə hesablanan siyasi kursun yenilməzliyinə və alternativinin olmadığına olan inamın təcəssümü idi.
Bütövlükdə, bu seçim Azərbaycanın yüksəlişinə xidmət edən ümumxalq qərarı idi. 2018-ci il aprelin 11-də seçkilərdə ona göstərilən böyük etimada görə xalqımıza müraciət edərək minnətdarlığını bildirən cənab İlham Əliyev də xalqımızın bu seçkilərdə sabitliyə, təhlükəsizliyə, inkişafa, tərəqqiyə səs verdiyini dedi: “Mən həmişə Azərbaycan xalqının dəstəyini hiss edirəm. Bu dəstək mənə güc verir. Bu dəstək bizim inkişafımız üçün əsas şərtdir. Xalq-iqtidar birliyi Azərbaycanda inkişafımızın əsas amilidir. Bu seçkilərdə Azərbaycan xalqı sabitliyə, təhlükəsizliyə, inkişafa, tərəqqiyə səs vermiş, son 15 il ərzində görülən işlərə yüksək qiymət vermişdir. Bütün bu uğurları biz sizinlə birlikdə qazandıq”.
Prezident seçkilərinin nəticəsi həm də cəmiyyətin mövcud siyasi kursu gələcək uğurların mühüm şərti olaraq qəbul etməsi idi. Yəni Prezident İlham Əliyevin qələbəsi qarşıdan gələn 7 ildə 15 il ərzində başlanılmış işlərin yeni keyfiyyət mərhələsində davam etdirilməsi, Azərbaycanın nailiyyətlərinin daha da artması demək idi. Bu baxımdan beynəlxalq miqyasda davam edən iqtisadi çətinliklərə, o cümlədən koronavirus pandemiyasının yaratdığı çətinliklərə baxmayaraq dövlət olaraq bu 3 ildə olduqca mühüm uğurlara imza atmışıq. Bu qısa zaman kəsiyində həyata keçirilən əzəmətli layihələr, Azərbaycanın hərtərəfli yeniləşməsi, modernləşməsi doğma vətənimizi dünyaya yeni formada təqdim etməyə imkan yaradıb. Müxtəlif sahələrdə başladılan yeni islahatlar son nəticədə dövlət-vətəndaş münasibətlərinin yeni keyfiyyət mərhələsinə qədəm qoymasına yol açıb, sosial rifahın yüksəlməsinə xidmət edib. Ən mühüm nailiyyətlərimiz sırasında qlobal layihələrin işə salınması, Avropanın enerji xəritəsinə ciddi dəyişikliklər edən “Cənub qaz dəhlizi”nin istifadəyə verilməsi, üçüncü peykimizin kosmosa göndərilməsi kimi məsələlər xüsusi yer tutur.
İlham Əliyevi xalqa sevdirən cəhətlər dövlət başçısının daim xalqın yanında olması, verdiyi bütün vədləri yerinə yetirməsidir. Yeganə ağrılı problemimiz torpaqlarımızın işğal altında olması idi. Lakin möhtərəm Prezident hər zaman bəyan edirdi ki, Azərbaycan Qarabağda ikinci erməni dövlətinin yaradılmasına imkan verməyəcək, işğal altında olan torpaqlarımız mütləq azad ediləcək. 2020-ci il sentyabrın 27-də başlanan İkinci Qarabağ savaşında qazandığımız möhtəşəm Zəfər bir daha İlham Əliyevin vədinə sadiq, öz fəaliyyətini dövlətə və xalqa xidmət məramı üzərində quran lider olduğunu sübuta yetirdi.
Vətən müharibəsində qazanılan Qələbə İlham Əliyevin ötən 17 ildə həyata keçirdiyi düşünülmüş və məqsədyönlü siyasətinin uğurlu nəticəsi idi. Belə ki, bu illərdə cənab Prezidentin atdığı addımlar, həyata keçirdiyi genişmiqyaslı tədbirlər torpaqlarımızın azad edilməsinə istiqamətlənmiş kompleks siyasətdən xəbər verir. Ermənistanın məğlubiyyəti, torpaqlarımızın azad edilməsi ilə nəticələnən bu müharibə həm də milli həmrəyliyimizin təntənəsi, xalqımızın öz rəhbərinin ətrafında sıx birləşməsinin nümayişi oldu. Bu Qələbə göstərdi ki, ötən ildə müxtəlif uğurlarla yanaşı, İlham Əliyevin liderliyi ilə dövlətçilik tariximizi şərəfləndirən qələbələrə də imza atılıb.
Ötən 3 ilin yekunları pozitiv və qürurdoğuran notlarla, hadisələrlə zəngindir. Qarşıda duran hədəflərə doğru gedilən yolda Prezident İlham Əliyevin müəyyən etdiyi siyasət sistemli, ardıcıl və məqsədyönlüdür. Ən əsası bu siyasət hər addımda dövlətə və xalqa xidmət missiyasını daşıyır. Qarşıda isə bizi yeni qələbələr, o cümlədən Qarabağın dirçəlişi gözləyir. Azad edilmiş bütün torpaqlarımız qısa müddətdə yenidən qurulacaq və xalqımız İlham Əliyevin rəhbərliyi və öndərliyi ilə yeni uğurlara imza atacaq.
Nəsib MƏHƏMƏLİYEV,
Milli Məclisin deputatı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
ABŞ Nümayəndələr Palatasının heyəti Türkiyəyə gələcək
28 Mart
“Hər an sülh əldə etmək mümkündür” - Olaf Şoltsdan Ukrayna açıqlaması
28 Mart
Latviyanın xarici işlər naziri istefa verib
28 Mart
İŞİD real təhlükədir - Blinken
28 Mart
AzTU Türkiyə universitetləri və istehsalat müəssisələri ilə əməkdaşlıq əlaqələrini genişləndirir ...
28 Mart
YAP Səbail rayon təşkilatı Azərbaycanlıların Soyqırımı Günü ilə əlaqədar anım tədbiri keçirib ...
28 Mart
DGK sədri Misir səfiri ilə görüşüb
28 Mart
Şirvan–Salyan Regional Təhsil İdarəsinin fəaliyyəti ilə bağlı müraciətlərə bu nömrə cavab verəcək ...
28 Mart
Daxili işlər naziri Şamaxıda vətəndaş qəbulu keçirib
28 Mart
Fövqəladə Hallar Nazirliyi və “Azərbaycan Dəmir Yolları” QSC birgə təlim keçirib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!