Qırğızıstan Prezidenti Milli Məclisdə olmuş, deputatlar qarşısında çıxış etmişdir
Azərbaycana rəsmi səfəri çərçivəsində Qırğızıstan Prezidenti Almazbek Atambayev martın 30-da Milli Məclisdə olmuşdur.
Parlamentin binası önündə ali qonağı Milli Məclisin Sədri Oqtay Əsədov və digər rəsmi şəxslər qarşılamışlar.
Qırğız Respublikasının başçısı Milli Məclisin iclas zalına baxmış, deputatlar üçün yaradılmış şəraiti yüksək qiymətləndirmişdir.
Ali qonaq Milli Məclisdəki Heydər Əliyev Xatirə zalı ilə tanış olmuşdur. Ümummilli lider Heydər Əliyevin həyat və fəaliyyətini, xarici ölkələrə səfərlərini, keçirdiyi görüşləri əks etdirən fotomateriallar qonaqda dərin təəssüratlar yaratmışdır.
Sonra Qırğız Respublikasının Prezidenti Almazbek Atambayev Milli Məclisin Sədri Oqtay Əsədovla görüşmüşdür.
Oqtay Əsədov dərin tarixi kökləri olan ölkələrimizin mövcud əlaqələrindən danışaraq bildirdi ki, dövlət başçılarının səyləri nəticəsində münasibətlərimiz getdikcə daha da möhkəmlənir. Əməkdaşlığın inkişafı üçün yaradılmış möhkəm hüquqi baza genişləndirilir.
İnanırıq ki, Qırğızıstan dövlətinin başçısının bu rəsmi səfəri ölkələrimiz üçün böyük dividendlər gətirəcəkdir.
O.Əsədov dövlətlərimiz arasında əlaqələrin inkişafında parlamentlərin rolunu, deputatlarımızın beynəlxalq təşkilatlardakı birgə fəaliyyətini xüsusi qeyd etmişdir.
Türkdilli Ölkələrin Parlament Assambleyasının (TürkPA) növbəti sessiyasının Bişkekdə keçiriləcəyini və bu cür tədbirlərin təkcə Azərbaycan və Qırğız respublikaları arasında deyil, bütün türkdilli ölkələr arasında əlaqələrin inkişafına töhfə verəcəyini bildirmişdir.
Prezident Almazbek Atambayev Azərbaycana səfərindən məmnunluğunu ifadə etmiş, göstərilən qonaqpərvərliyə görə minnətdarlığını bildirmişdir.
Ali qonaq Bakıda keçirdiyi rəsmi görüşlərin, imzalanan sənədlərin ikitərəfli əlaqələrimizin daha da möhkəmlənməsinə yaxşı töhfə verəcəyini xüsusi qeyd etmişdir. O, sonuncu dəfə 21 il bundan əvvəl Azərbaycanda olduğunu və ötən müddətdə ölkəmizin sürətli inkişaf yolu keçdiyini söyləmişdir. Bildirmişdir ki, Azərbaycanın bölgədə həyata keçirdiyi layihələr, qonşu respublikalara qoyduğu iri həcmdə sərmayələr ölkənin böyük potensiala sahib olduğunu bir daha təsdiqləyir. Azərbaycan beynəlxalq aləmdə yüksək nüfuzu və böyük gələcəyi olan ölkədir.
Dövlətlərimizin ərazi bütövlüyünün təmin olunmasının zəruriliyindən söz açan Prezident bildirdi ki, biz bu məsələdə eyni mövqedəyik və Azərbaycanın haqlı mövqeyini dəstəkləyirik.
Görüşdən sonra Qırğız Respublikasının Prezidenti Almazbek Atambayev Milli Məclisin iclas zalına gəlmiş, deputatlar qarşısında çıxış etmişdir.
Prezident Almazbek Atambayev dərin tarixi kökləri olan ölkələrimizin yaxın keçmişinə nəzər salmışdır. Bildirmişdir ki, ötən əsrin 30-cu illərində repressiyaya məruz qalan 10 minə yaxın azərbaycanlı Qırğızıstana köçürülmüşdür. Qırğızıstanı özlərinə yeni vətən seçən bu insanlar hər şeyə sinə gərərək böyük uğurlar əldə etmişlər. İndi Qırğızıstanda 3 professor, 3 elmlər doktoru, 20 elmlər namizədi dərəcəsi olan azərbaycanlı yaşayır. Elmin, sənayenin müxtəlif sahələrində çalışan bu azərbaycanlılar ölkə həyatında yaxından iştirak edir, töhfələrini verirlər. Dövlət başçısı demişdir:
- Əziz dostlar, qırğızların və azərbaycanlıların dövlətçilik yolu çox çətin və kəşməkəşli olmuşdur. Atalarımız və babalarımız çox cəsur və azadlığı sevən insanlar olmuşlar. Onlar əsrlər boyu türk ruhunu özlərində qoruyaraq tariximizi, adətlərimizi bu günə qədər yaşadıblar. Biz atalarımızın və babalarımızın dediklərinə əməl etməliyik. "Ataların sözü, xalqın gözü" deyimi vardır. Bunun əsl mənası bizim möhtəşəm "Manas" və "Dədə Qorqud" dastanlarında vardır. Çox hörmətli Heydər Əliyevin dediyi kimi, "Dədə Qorqud" və "Manas" qədim köklərimizi, bizim xalqlarımızın birgə tarixini və mədəniyyətini sübut edir.
Qırğız Respublikasının Prezidenti bildirmişdir ki, müstəqilliyimizi daha da möhkəmləndirmək istiqamətində vahid mövqeyimiz, ümumi yanaşmamız vardır. Biz separatizmə qarşı çıxırıq, ölkələrimizin ərazi bütövlüyünün, sərhədlərimizin toxunulmazlığının tərəfdarıyıq. Qarşılıqlı əməkdaşlığımız regional təşkilatlarda, o cümlədən Türkdilli Dövlətlərin Əməkdaşlıq Şurasında bir-birimizi dəstəkləməyimizlə seçilir. Bu yaxınlarda Bişkekdə Türkdilli Ölkələrin Parlament Assambleyasının növbəti sessiyası, ardınca isə Türkdilli Dövlətlərin Əməkdaşlıq Şurasının sammiti keçiriləcəkdir. Bu sammitin keçirilməsi türkdilli dövlətlərin əlaqələrinin daha da yaxınlaşması baxımından mühüm hadisədir. Prezident demişdir:
- Əziz dostlar, çox hörmətli Heydər Əliyev 1995-ci ildə "Manas" dastanının 1000 illiyinin qeyd olunduğu zaman demişdi: "Bizim qırğızlarla dilimiz bir, dinimiz birdir. Tarix bizə türk dövlətlərinin birliyini qurmaq üçün daha bir şans verir".
Qırğız Respublikasının Prezidenti ölkələrimizin müstəqilliyi uğrunda şəhid olanları da xatırlayaraq xalqımıza xoşbəxt gələcək arzulayaraq bildirmişdir:
- Qardaş Azərbaycan xalqına xoşbəxtlik və rifah arzu edirəm.
Yaşasın Azərbaycan və Qırğızıstan dostluğu!
Yaşasın Azərbaycan!
Təşəkkür edirəm.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Daxili işlər naziri Şamaxıda vətəndaş qəbulu keçirib
28 Mart
Fövqəladə Hallar Nazirliyi və “Azərbaycan Dəmir Yolları” QSC birgə təlim keçirib
28 Mart
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!