22:49 15 Aprel 2021
ONLINE XƏBƏR LENTİ
14:25 15.04.2021 Onlar bizə əmanət!
 

Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Qaraciyərin təmizlənməsi üsulları
ANA SƏHİFƏ / SƏHIYYƏ
22:19 17.09.2018

Qaraciyər insan orqanizmində ən vacib rolu olan orqandır və o, 500-dən artıq funksiyanı yerinə yetirir. Bu funksiyaların ən əsası isə orqanizmə daxil olan qida, su və havanı zərərli maddələrdən təmizlənməsini təmin etməkdir.

Fitoterapevt Ulduz Hüseynova AZƏRTAC-a müsahibəsində qaraciyərin təmizlənməsi üçün istifadə edilən bəzi sadə xalq təbabəti üsulları barədə məlumat verib.

Bildirilib ki, 200 qram yerkökü, 50 qram cəfəri və 150 qram kərəviz şirəsi çəkilərək qarışdırılır, hər səhər qəbul edilir və bu prosedur bir ay aparılır. Yarım stəkan pomidor şirəsi yarım stəkan kələm şirəsi ilə qarışdırılır. Hazır məhlul gündə üç dəfə yeməkdən sonra olmaqla iki həftə qəbul edilir.

Digər məsləhətə əsasən 100 qram bal, 500 qram qıtıqotu və bir litr su qarışdırılaraq soyuq və qaranlıq yerdə bir sutka saxlanılır. Hazır qarışım gündə üç dəfə yeməkdən qabaq bir xörək qaşığı qəbul edilir.

Həkim qaraciyərin təmizlənməsinin orqanizmdə bir çox müsbət dəyişikliklərə səbəb olduğunu bildirib.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM