Qarabağ irsi: mədəniyyət, memarlıq, incəsənət” adlı konfrans keçirilib
AMEA-da Vətən müharibəsinə həsr edilmiş “Zəfər dərsləri” elmi həftəsi çərçivəsində növbəti tədbir Memarlıq və İncəsənət İnstitutunda keçirilib.
Bu barədə AZƏRTAC-a AMEA-dan bildirilib. Onlayn təşkil olunan “Qarabağ irsi: mədəniyyət, memarlıq, incəsənət” adlı beynəlxalq konfrans Humanitar Elmlər Bölməsi, Memarlıq və İncəsənət İnstitutu və Şərq Ölkələri Beynəlxalq Memarlıq Akademiyasının birgə təşkilatçılığı ilə keçirilib. Konfransda Türkiyə, İran, Qırğızıstan və Yaponiyanı təmsil edən elm adamları iştirak ediblər.
Tədbirin plenar hissəsində çıxış edən AMEA-nın vitse-prezidenti akademik İsa Həbibbəyli erməni vandalları tərəfindən işğal olunmuş torpaqlarımızın Prezident İlham Əliyevin rəhbərliyi altında azad olunması uğrunda gedən Vətən müharibəsinin birinci ildönümünə həsr edilən “Zəfər dərsləri” həftəsinə start verildiyini və bununla bağlı olaraq AMEA-nın institut və təşkilatlarında tədbirlər keçirildiyini diqqətə çatdırıb. Akademik bildirib ki, AMEA-nın müəssisələrində keçiriləcək bu tədbirlərin məqsədi Ali Baş Komandan və rəşadətli ordumuz sayəsində əldə olunan zəfəri elmi cəhətdən təbliğ etmək, Qarabağ həqiqətlərini dünya ictimaiyyətinə çatdırmaqdır. Alim bu zəfərin Azərbaycan tarixində nadir hadisə olduğunu vurğulayıb.
Sonra Azərbaycan Memarlar İttifaqının sədri, Şərq Ölkələri Beynəlxalq Memarlıq Akademiyasının vitse-prezidenti professor Elbay Qasımzadə və Azərbaycan Memarlıq və İnşaat Universitetinin rektoru professor Gülçöhrə Məmmədova elmi cəhətdən əhəmiyyət kəsb edən konfransın əhəmiyyətindən bəhs ediblər. Sənət mərkəzi olan Qarabağda incəsənətin və memarlığın bütün növlərinin olduğunu, lakin bir sıra memarlıq abidələrinin erməni qəsbkarlar tərəfindən tamamilə məhv edildiyinin acı həqiqət olduğunu qeyd ediblər.
Tədbirdə çıxış edən Memarlıq və İncəsənət İnstitutunun direktoru, AMEA-nın müxbir üzvü Ərtegin Salamzadə təsviri sənətin ən maraqlı növlərindən biri olan şəbəkə sənəti haqqında məruzə edib. Məruzənin mövzusu “Şuşa memarlığında şəbəkə sənəti” olsa da, Azərbaycana məxsus olan fərqli və eynilik təşkil edən şəbəkələr haqqında maraqlı təsvirlər slaydlarda nümayiş etdirilib. Alim Azərbaycanın müxtəlif bölgələrində və eləcə də İrəvan şəhərində mövcud olan müxtəlif şəbəkə növlərinin müqayisəli təhlilini göstərməklə yanaşı şəbəkə sənətinin tarixi xüsusiyyətlərindən də bəhs edib.
Daha sonra “Azərbaycan təsviri sənətində Qarabağ mövzusu”, “Şuşa şəhərində Müqəddəs Vəftizçi İohan kilsəsinin bərpası”, “Müharibələrin mədəniyyət üzərində təsiri”, “Hərbi vaxtın folkloru haqqında düşüncələr” və digər bir-birindən maraqlı məruzələr təqdim olunub. Məruzələrdə Azərbaycanın zəngin mədəniyyət xəzinəsi olan Qarabağın memarlıq və incəsənətinə ermənilər tərəfindən dəymiş zərər, bu istiqamətdə yaranan problemlər, məhv edilən memarlıq abidələri və İkinci Qarabağ müharibəsinin həyəcanlı anları, həmçinin Qələbə sevinci qeyd edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
NATO İspaniyada üçüncü hərbi-dəniz bazasını yerləşdirir
29 Mart
Qubada III Aqrobiznesin İnkişafı Forumu keçirilir - YENİLƏNİB
29 Mart
Donald Tusk Ukrayna müharibəsinin uzanacağını güman edir
29 Mart
Füzulidə daha 35 ailəyə mənzillərinin açarları təqdim olunub - YENİLƏNİB
29 Mart
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!