Zəfər salnaməsinin müəllifi
Vətən müharibəsində Azərbaycanın ərazi bütövlüyünün bərpası Ali Baş Komandan İlham Əliyevin qətiyyətinin nəticəsidir
Müzəffər Ordumuz 44 günlük Vətən müharibəsini zəfərlə bitirdikdən sonra Ali Baş Komandan İlham Əliyevin dərhal işğaldan azad edilən ərazilərimizə səfər etməsi düşmənə daha bir sarsıdıcı zərbə oldu. Bu qürurverici hadisə düşmən tərəfini matəm libasına bürüdü. Azərbaycanda isə Qələbə sevinclərinin davamı kimi, xalqımızın əhvali-ruhiyyəsini daha da yüksəltdi.
Vətən torpaqlarının işğaldan azad edilməsi uğrunda gedən döyüşlərdə şərəflə döyüşüb, qəhrəmancasına şəhid olanların ailələri də Ali Baş Komandanın bu səfərlərini sevincdən axan göz yaşları ilə qarşıladı. Çünki o torpaqlarda Vətən oğullarının yerdə qalmayan qanı axıb! Bu yolda qazi kimi geri dönənlərin Zəfər Paradına qatılması da ayrı bir qürurverici hisslər yaşatdı onlarda...
Prezident İlham Əliyev 2003-cü ildə qarşıya qoyduğu və bəyan etdiyi strateji hədəflərə nail olunması üçün istər beynəlxalq miqyasda, istərsə də ölkə daxilində məqsədyönlü, ardıcıl, düşünülmüş siyasət həyata keçirdi. Buna görə də “güclü dövlət” konsepsiyasını reallaşdırmağa nail oldu.
Müzəffər Ali Baş Komandanının işğaldan azad edilmiş Füzuli, Cəbrayıl, Zəngilan, Qubadlı, Ağdam rayonlarına səfərlərində yaşadığı böyük sevinc hissi üzlərindən, gözlərindən oxunurdu. Həmin səfərlərdə qarşılanma zamanı yaranan izdiham isə Ali Baş Komandanın rəhbərliyi ilə şanlı Ordumuz tərəfindən qazanılan bu Qələbənin miqyasını açıq şəkildə göstərirdi. Əslində bu təntənə şanlı Zəfərin əyani nümayişi idi. 30 il üzünə həsrət qaldığımız həmin torpaqlarda artıq üçrəngli bayrağımız xalqımızın dövlət başçısına sonsuz minnətdarlığının ifadəsi kimi yenidən dalğalanır. Bu da haqlı olaraq hər bir azərbaycanlıda böyük qürur və fəxarət hissi yaşadır.
Azərbaycan Prezidenti fəaliyyət göstərdiyi 2003-cü ildən müntəzəm olaraq regionlara səfər edir. Həmin səfərlər ölkəmizin hər guşəsinin sosial-mədəni inkişafını təsdiqləyən hadisələrin tarixləşməsi ilə yadda qalır. Regionların paytaxt Bakıya yaxınlaşdırılması, yəni bütün sahələrdə inkişafını təmin edən siyasətin nəticələri ilə yerindəcə tanışlıq məqsədi daşıyan həmin göruşlərdə dövlət başçısı xalqın ona inam və etibarını görür, eləcə də dəstəkləndiyinin şahidinə çevrilir. Bu, xalq-hakimiyyət birliyinin təməl daşı, sarsılmazlığı deməkdir. Məhz həmin milli birlik və həmrəylik 44 günlük Vətən müharibəsində də Qələbəmizi təmin edən əsas amillərdən biri kimi önə çıxdı.
Bəli, dövlət başçısının regionlara hər səfəri böyük izdihamla qarşılanır. Lakin bu dəfə qalib Ordunun Müzəffər Komandanı kimi işğaldan azad edilmiş ərazilərimizə səfər etməsi ölkəmizin inkişafının qarşısıalınmazlığının, məğlubedilməzliyinin göstəricisi oldu. Bu səfərlər Müzəffər Ali Baş Komandanımızın Qələbə yürüşü idi.
Hərbi əməliyyatların başladığı ilk gündən Azərbaycan xalqı öz Prezidentinin ətrafında daha sıx birləşdi. Dövlət-xalq-ordu birliyi nümunəyə çevrildi. Dövlət başçısı bütün çətinliklərə sinə gərdi, bəzən hərbi forma geyinərək döyüş əməliyyatlarının idarə olunmasına birbaşa nəzarət etdi. Əslində işi yalnız döyüşləri idarə etməklə bitmədi. Mənfur qüvvələrin, Azərbaycanın haqq işinə xələl gətirməyə çalışanların təbliğat maşınlarını da darmadağın etdi. Xarici KİV-lər vasitəsilə haqq işimizi dünyaya olduğu kimi deyil, terrorçu Ermənistanı müdafiəyə qalxan, açıq-aşkar informasiya hücumuna keçənlərin də susdurulmasına xidmət etdi. Dünyanın ən reytinqli televiziya kanallarına, informasiya agentliklərinə müsahibələr verdi. Dünya ictimaiyyətinə Azərbaycanın haqq savaşını ən incə detallarına qədər anladan Prezidentimiz ayrı-ayrı ölkələrin maraqlarına xidmət edən jurnalistlərin məqsədli və qərəzli suallarına elə peşəkarlıqla cavab verdi ki, bu, döyüş meydanında düşmənə vurulan zərbə qədər sərt və təsirli olurdu. Ermənistanın əsl simasını, mənfur xislətini, təcavüzkar siyasətini ifşa edən Ali Baş Komandan həm işğalçıya, həm də onun havadarlarına Vətən müharibəsində məğlubiyyətə düçar olacaqlarının anonsunu da öncədən verirdi.
Azərbaycan Prezidentinə xalq məhəbbəti döyüşlərin ilk günündən özünü göstərirdi. Xalqımız haqq uğrunda başladığımız savaşda Ali Baş Komandanımızın qələbəsinə qətiyyətlə əmin idi. Bu qələbəyə illərlə hazırlaşan Prezident İlham Əliyev ərazilərimiz işğaldan azad edildikcə müraciətlərində göstərdiyi qətiyyət xalqımızı bir daha inandırırdı ki, bu yolda öldü var, döndü yoxdur! Son qarışa qədər torpaqlarımız mənfur işğalçılardan azad ediləcək.
Qardaş Türkiyənin həmin günlərdə Azərbaycanın haqq mübarizəsini dəstəkləməsi, mənəvi cəhətdən hər an yanında olması da məhz dövlət başçımızın yürütdüyü siyasətin nəticəsi idi. Ulu Öndər Heydər Əliyevin “Türkiyə-Azərbaycan: bir millət, iki dövlət” müdrik kəlamının dövlət siyasətinin tərkib hissəsinə çevrildiyi bir daha özünün təsdiqini tapdı.
Prezident İlham Əliyev və Birinci vitse-prezident Mehriban xanım Əliyeva davamlı şəkildə yaralı əsgər və zabitlərimizlə, şəhid və qazi ailələri ilə görüşlər keçirdilər, onların bütün qayğı və problemlərini diqqətdə saxladılar, hər zaman yanlarında olduqlarını nümayiş etdirdilər. Buna hamımız əyani şahidik.
Nəhayət, 44 günlük Vətən müharibəsinin Zəfər Paradı!
Həmin gün dünya və düşmən mövqeyində dayanan, hələ də işğalçı Ermənistanı dolayısı və bəzən də birbaşa, açıq-aşkar müdafiədən çəkinməyən xarici qüvvələr, erməni lobbisinin təsirindən çıxa bilməyən, özlərini hegemon sayanlar daşnakları “iti qovan kimi” qovmağımıza, öz tarixi ərazilərimizi azad etməyə qadir olduğumuzun şahidinə çevrildilər. Azadlıq meydanında Ermənistan ordusunun döyüş meydanlarında qoyub qaçdığı ağır hərbi texnika və silahların nümayişi bir daha tərəflərin birinin gücünü və qüdrətini göstərdi.
Bu zəfər salnaməsi hələ illər boyu yazılacaq, tarixləşəcək, bugünkü və gələcək nəsillərə örnək olacaq!
Var olsun Müzəffər Ordumuz və Ali Baş Komandanımız!
Qarabağ Azərbaycandır!
Məhəmməd NƏRİMANOĞLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!