20 May 2021 18:33
975
İQTİSADİYYAT
A- A+

Pərviz Şahbazov: Böyük Britaniya indiyədək Azərbaycana 30 milyard dollardan çox investisiya yatırıb  

2019-cu ildə Azərbaycanla Böyük Britaniya arasında ticarət dövriyyəsi 34 faiz artaraq 704,6 milyon ABŞ dolları təşkil edib.

AZƏRTAC xəbər verir ki, bu barədə energetika naziri Pərviz Şahbazov Azərbaycan və Böyük Britaniya arasında iqtisadi əməkdaşlıq üzrə Birgə Hökumətlərarası Komissiyanın 4-cü iclasından sonra keçirilən mətbuat konfransında deyib.

Nazirin sözlərinə görə, ötən il sözügedən göstərici pandemiyanın mənfi təsirləri ilə əlaqədar 35 faiz azalsa da, 2021-ci ildə yenidən artım müşahidə olunur. Belə ki, bu ilin birinci rübündə iki ölkə arasında ticarət dövriyyəsi illik müqayisədə 2,5 dəfə artaraq 162,2 milyon dollara çatıb.

Azərbaycanla Böyük Britaniya arasında neft-qaz sahəsində 30 illik uğurlu əməkdaşlığın qlobal enerji sektorunun yeni çağırışlarına uyğun olaraq yeni inkişaf mərhələsinə daxil olduğunu qeyd edən P.Şahbazov deyib: “Birləşmiş Krallığın indiyədək Azərbaycan iqtisadiyyatına yatırdığı 30,6 milyard dollar investisiyanın 28,8 milyard dolları enerji sektorunun payına düşür. Prezident İlham Əliyevin müvafiq Sərəncamı ilə təsdiq edilmiş “Təmiz ətraf mühit və “yaşıl artım” ölkəsi” Milli Prioritetinin növbəti onillikdə reallaşdırılması, bərpaolunan enerji və yaşıl texnologiyaların inkişafını təşviq edən strateji qərar və irəli sürdüyü vəzifələrin həll edilməsi ölkələrimiz arasında enerji əməkdaşlığının şaxələnməsi üçün yeni imkanlar açır. İnteqrasiya edilmiş enerji və nəqliyyat sistemlərinin karbonsuzlaşdırılması, bərpaolunan enerji, enerji səmərəliliyi, liberal enerji bazarına keçid və elektrik şəbəkələri üzrə əməkdaşlığımız nəinki iki ölkə arasındakı münasibətlərə, həm də enerji keçidi prosesinə öz töhfəsini verəcək”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video