20:57 23 Oktyabr 2021
ONLINE XƏBƏR LENTİ
01:45 23.10.2021 Azad yurdum
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Pambıq tarlalarında məhsul boldur

ANA SƏHİFƏ / İQTİSADİYYAT
01:52 25.09.2021

 

Salyanda pambıq tarlalarında bu il məhsuldarlıq boldur. Mütəxəssislərlə yanaşı, fermerlər də bu fikirdədirlər. Artıq bir neçə sahədə ilkin olaraq pambığın əllə yığımına da başlanılıb.

AZƏRTAC xəbər verir ki, pambıqçılığın inkişafı, ona göstərilən dövlət dəstəyi salyanlı fermerləri də sevindirir. Göstərilən dövlət dəstəyindən yararlanan pambıqçılar tarlalarda bol məhsul yetişdiriblər. Əkini vaxtında və optimal surətdə aparan “ağ qızıl” ustaları yığım mövsümünə də hazırdırlar. Fermerlər qeyd edirlər ki, quraqlıq olsa da, bu il pambıqda heç də geriləmə müşahidə olunmayacaq.

Ötən il 60 hektar sahədə pambıq əkən və 40 sentner məhsul götürən İbadət Cəfərov deyib: “Bu il də eyni qaydada əkib-becərmişəm. Növbəli əkinə xüsusi diqqət veririk. Bizim rayonda növbəli əkin olmasa, məhsuldarlıq aşağı düşər. Bu, həm də torpaqların münbitləşməsi üçün mütləq lazımdır. Düşünürəm ki, sahələrin əksəriyyətindən 50 sentnerdən çox məhsul götürmək mümkündür”.

Salyanda bir neçə pambıq sahəsində artıq əllə yığıma start verilib. Fermerlər bunun həm də yerli əhalinin sosial rifahına müsbət təsir etdiyini deyir. Belə işçilərdən biri də Səidə Əliyevadır. “Yığıma 5 gündür başlamışıq. Məhsulumuz boldur. Gün ərzində 60-80 kiloqram məhsul təhvil verənlər var. Pulumuzu da vaxtlı-vaxtında alırıq”, - deyə o bildirib.

Ötən il Salyan rayonunda 5010 hektar sahədə pambıq əkini aparılıb. Bu sahələrdən 20 min 425 ton məhsul toplanıb ki, məhz bu göstəricilərə görə 21 pambıqçılıq rayonu arasında Salyan birinci yerdə qərarlaşıb. Bu il də rayonda pambıq əkini üçün, əsasən, münbit torpaqlar seçilib.

Salyan Dövlət Aqrar İnkişaf Mərkəzinin böyük məsləhətçisi Şəhriyar İsgəndərov deyib: “Dövlətin fermerlərə olan diqqət və qayğısı nəticəsində pambıq əkin sahəsi genişləndirilərək 6134 hektarda əkin aparılıb. Yaxın zamanlarda sahələrdə kütləvi məhsul yığımına başlamaq üçün defolyXMasiya işlərinə hazırlıq gedir və qismən də olsa əl yığımına başlanılıb”.

Salyanda 3 pambıq şirkəti ilə müqavilə bağlayan 1165 istehsalçı bu il əsasən pambığın “Gəncə 108”, “Gəncə 110” və “Lodus” sortlarına üstünlük verib. Mütəxəssislər qeyd edirlər ki, Salyanda pambığın daha keyfiyyətli olmasına səbəb məhsuldar sortlarla yanaşı, həm də iqlim amilidir. Rayonun iqlimi və torpağı pambıqçılığın inkişafı üçün əlverişlidir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM