Ötən həftənin elmi yenilikləri
Uzunmüddətli akademik elmi araşdırmaların nəticəsi olaraq keçən həftə dünyanın müxtəlif elm mərkəzlərinin tədqiqat mövzuları üzrə yekun rəyləri açıqlanıb.
Britaniya alimləri təmiz havada, amma Günəş işığında gəzintinin sağlam insanlarda arterial təzyiqi aşağı saldığını, onlarda infarkt və ya insult riskini azaltdığını sübut ediblər. Eyni zamanda, bəlli olub ki, Günəş şüalarının altında az olan şəxslərin bədənində vitamin və mikroorqanizm balansı pozulur, müxtəlif xəstəliklərin yaranmasına zəmin yaranır.
Niderland mütəxəssislərinin fikrincə, yaşayış və ya iş yerlərində temperaturun yüksək olması insanların piylənməyə, mülayim, bir qədər sərin olması isə arıqlamaya səbəb olur. Sərin (soyuq) şəraitdə orqanizm ehtiyat qüvvələrini işə salaraq müqavimət gücünü yüksəldir, bu zaman həm də enerji təminatı üçün piylərin yandırılması prosesi güclənir.
ABŞ və Kanada astronomlarının qənaətinə görə, həyat formaları təkcə Yerə oxşar planetlərdə deyil, digər parametrli səma cisimlərində də ola bilər. Bu səbəbdən Yerə bənzər - yəni, əsasən öz günəşinə məsafəsi və kütləsi ilə planetimizə oxşar səma cisimlərinin axtarışına üstünlük verilir. Amerikalı alimlər bu parametrlər üzrə tamamilə fərqli (günəşindən geniş və uzaq trayektoriyalı) göstəricilərə malik səma cisimlərində həyat üçün münbit şəraitin Yerdən də üstün ola biləcəyini iddia edirlər. Belə şəraitin təkcə planetlərdə deyil, hətta peyklərdə də formalaşması mümkündür. Ehtimallara əsasən, narıncı cırtdan ulduzların ətrafındakı planetlər həyat üçün Yerdən də yararlıdır.
İngiltərə tədqiqatçıları cavan və orta yaşlarda həyatdan zövq alan, özünü xoşbəxt hiss edən insanların qocalığının da çox sağlam keçdiyini, onların daha az xəstəliklərə düçar olduqlarını və digərlərindən təxminən 8 il daha artıq yaşadıqlarını müəyyənləşdiriblər.
Amerikalı biotexnoloqlar rekord sayıla biləcək səviyyədə enerji tutumuna malik bioloji - şəkər əsaslı batareya yaradıblar. Batareyanın normal fəaliyyəti üçün bir qədər şəkər, su, hava və cüzi miqdarda sintetik fermentlər kifayət edir. Ekoloji cəhətdən təmiz, həmçinin yüksək tutumlu bu bioloji batareyaların məişət texnikası və avadanlıqlarında tətbiqi təklif olunur.
Avropa kosmik tədqiqatlar agentliyinə məxsus "Rozetta" zondu 10 il bundan qabaq kosmosa göndərilib və son 2,5 il ərzində hərəkətdə ikən "yuxu" rejimində qalıb. Nəhayət, aparat "oyanmağa" başlayıb və Yerə ilk siqnallarını göndərib. Ötən müddət ərzində "Rozetta" Günəş ətrafında mürəkkəb trayektoriylarla hərəkət etməklə Yupiterin orbitinə yaxınlaşıb, sonra Marsın, növbəti mərhələlərdə isə üç dəfə Yerin yaxınlığından keçib. Bu aparat Günəş sisteminin 120 kilometrlik ən böyük asteroidi - Lyutesiyanın 3,2 min kilometr məsafədə yanından ötüb, eləcə də Steync asteroidinə də "baş çəkib".
Bu missiyalardan sonra "Rozetta" Curyumov-Gerasimenko kometasına doğru yol alıb və səfər müddətində avadanlıqların əksəriyyəti enerjiyə qənaəti üçün "yuxuya" verilib. Cari ilin avqustunda aparat kometaya çatacaq və daha bir unikal missiyanı həyata keçirəcək - kometanın səthinə tədqiqat "Philae" tədqiqat modulunu endirəcək. Bu modul vasitəsilə alimlər kometanın kimyəvi tərkibini, ona əsasən də mənşəyini, yaranma tarixini araşdıracaqlar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
Şröder: Putinlə şəxsi münasibətlərim Ukraynada sülh prosesinə fayda verə bilər
28 Mart
BŞİH-də müşavirə keçirilib, “Lifttəmir”in direktoruna şiddətli töhmət verilib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!