15 Oktyabr 2011 06:10
474
DÜNYA
A- A+

Obama İranı hədələdi

 

ABŞ Prezidenti Barak Obama bildirmişdir ki, İran rəhbərliyinin "ali dairələrindəki" rəsmi şəxslər Səudiyyə Ərəbistanının ABŞ-dakı səfirinin qətlinin planlaşdırılmasına görə cavab verməlidirlər. Eyni zamanda, Amerika Prezidenti İranın ali lideri Əli Xamenei və ölkə Prezidenti Mahmud Əhmədinejadı qəsdin hazırlanmasında birbaşa ittiham etməmişdir. Bu barədə "Assoşieyted Press" agentliyi xəbər verir.

"Nyu York Tayms" qəzetinin xəbərinə görə, Obama Tehrana qarşı "ən ciddi tədbirlər" görməyə çağırmışdır.

Oktyabrın 12-də ABŞ-ın BMT-dəki səfiri Syuzan Rays təşkilatdakı iranlı nümayəndələrlə görüşərək məsələni müzakirə etmişdir.

Xatırladaq ki, Səudiyyə Ərəbistanının ABŞ-dakı səfiri Adil Cübeyrə  qəsd hazırlanması ilə bağlı Nyu Yorkda iki iranlıya qarşı ittiham irəli sürülmüşdür. Federal Təhlükəsizlik Bürosunun mülahizəsinə əsasən, səfiri ABŞ ərazisindəki restoranda qətlə yetirmək planlaşdırılırdı. Bu məqsədlə cinayətkarlar Meksika narkokartelinin üzvləri ilə danışıqlar aparırmışlar.

İttiham olunanlardan biri, Amerika və İran vətəndaşlığına malik Mənsur Ərbabsiar həbs olunmuşdur. Digər iranlı Qulam Şakuri axtarışdadır. İran bu ittihamları rədd edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video