01 Iyun 2018 12:06
1877
Oxucu məktubları
A- A+

Nuraya inanırıq

 

Ölkəmizdə keçirilən ilk Avropa Oyunlarından sonra bizim rayonda gənclər arasında idmanın ayrı-ayrı növlərinə maraq gözlədiyimizdən də çox artıb. 

Yəqin bunun nəticəsidir ki, 2016-cı il sentyabr ayının əvvəllərində tanıdığımız ziyalılardan olan Elnur müəllim balaca qız uşağını Olimpiya İdman Kompleksinə gətirib dedi ki, bu qızın 11 yaşı var. Ağdaş şəhərindəki gimnaziyada oxuyur. Taekvondoçu olmaq istəyir. Adı Nuray, soyadı  Həmidovadır.

Mən Nuraya taekvondonun çətinlikləri, fiziki ağırlıqları haqqında danışanda dedi ki, çətinliklərdən qorxmuram, hər şey istədiyiniz kimi olacaq.

Qızdakı qətiyyəti görüb intensiv məşqlərə başladıq. Nurayın məşq prosesində əzmkarlığnı görəndə ona qarşı inamım birə-beş artdı. Çox keçmədən yarışlarda iştirak etmək niyyətini də bildirdi. Ona bu şərait də yaradıldı. Bir çox ölkədaxili və beynəlxalq əhəmiyyətli yarışlara qatıldı. Nəticə göz qabağındadır. Nurayın 5 fəxri fərmanı,  3 diplomu, 4 sertifikatı var. 6-sı qızıl olmaqla 16 medal qazanıb.

Biz Nurayın uğurlarının davamlı olacağına, daha böyük yarışlardan parlaq qələbələrlə qayıdacağına inanırıq.

 

Eşqin İSMAYILOV,

Ağdaş Olimpiya Kompleksində taekvondo müəllimi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video