16 Sentyabr 2021 14:59
758
CƏMİYYƏT
A- A+

Nur-Sultanda TÜRKPA-nın X plenar sessiyasına hazırlıq məsələləri müzakirə edilib  

Qazaxıstan Parlament Məclisinin (aşağı palata) sədri Nurlan Niqmatulin Türkdilli Ölkələr Parlament Assambleyasının (TÜRKPA) baş katibi Altınbek Mamayusupovla görüşüb.

AZƏRTAC Qazaxıstan Parlament Məclisinin mətbuat xidmətinə istinadən xəbər verir ki, görüş zamanı TÜRKPA-nın yubiley - X plenar sessiyasına hazırlıq məsələləri müzakirə edilib.

Parlamentarilərin qarşıdan gələn toplantısından danışan Nurlan Niqmatulin ilk onillikdəki işlərinin nəticələri barədə məlumat verib, dövrümüzün aktual problemlərini nəzərə alaraq gələcək əməkdaşlıq üçün perspektivli sahələrin və yubiley plenar iclasının əhəmiyyətini vurğulayıb.

Qeyd edək ki, Türkdilli ölkələrin parlamentarilərinin forumu bu il sentyabrın 27-28-də Türk dünyasının paytaxtı - Türküstan şəhərində baş tutacaq. TÜRKPA Şurasının toplantısı və X plenar iclası Azərbaycan, Qazaxıstan, Qırğızıstan və Türkiyə parlamentlərinin və palatalarının başçılarının iştirakı ilə olacaq.

Xatırladaq ki, Türkdilli Ölkələrin Parlament Assambleyasına Azərbaycan, Qazaxıstan, Qırğızıstan və Türkiyə deputatları daxildir. Macarıstan bu parlament təşkilatında 2014-cü ildən müşahidəçi statusu alıb. Özbəkistan parlamentariləri TÜRKPA-nın yubiley plenar iclasında iştiraka dəvət olunublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video