12 Iyun 2021 13:50
526
SİYASƏT
A- A+

NTV telekanalının aparıcısı: Beynəlxalq ictimaiyyət haqlı mübarizəsində Azərbaycanın yanında olmalıdır  

Azərbaycanın Kəlbəcər rayonunda baş verən faciə nəticəsində iki həmkarımızın ölüm xəbəri media aləmi olaraq bizi dərindən sarsıtdı. Allahdan şəhidlərimizə rəhmət diləyir, ailələrinə, bütün Azərbaycan xalqına və türk dünyasına başsağlığı verirəm.

AZƏRTAC xəbər verir ki, bu fikirləri Türkiyənin NTV telekanalının aparıcısı Osman Girgin söyləyib.

O deyib: “Kəlbəcərə gedən ilk jurnalistlərdən biri, bəlkə də oranı küçə-küçə gəzən yeganə müxbir olaraq özümü o qardaşlarımın yerinə qoydum. Ağrı və kədərimi təsvir etmək mümkün deyil. Beynəlxalq ictimaiyyət bu haqlı mübarizəsində Azərbaycanın yanında olmalıdır. Xüsusilə münaqişə bitdikdən, Vətən müharibəsində Azərbaycan Qələbə qazandıqdan sonra minalanmış ərazilərin xəritələrinin təhvil verilməsi vacibdir. Bu əraziləri öz gözlərimlə gördüyüm üçün əminliklə deyə bilərəm ki, sadəcə, Kəlbəcər deyil, orada bir çox yer minalanıb. Oraya yalnız dar yollarla getmək mümkündür. Lakin bu yollar da etibarlı deyil. Beynəlxalq ictimaiyyətin buna qarşı çıxması və Ermənistanın minalanmış ərazilərin xəritələrini verməsi üçün ona təzyiq göstərməsi vacibdir”.

Kəlbəcərdə tarixi kilsəni ziyarət etdiyini vurğulayan aparıcı qeyd edib: “Deyə bilərəm ki, bu rayonda insanların sülh içində birgə yaşaması üçün hər cür imkan var. Ermənilər o ərazilərdə hələ də yaşayır və azərbaycanlıların onlar üçün yaratdığı imkanlara baxdıqda qarşı tərəfin nə üçün belə addımlar atdığının cavabını tapa bilmirəm”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video