00:41 14 Aprel 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Niderland portalı Xocalı soyqırımından yazır
 
ANA SƏHİFƏ / SİYASƏT
14:53 04.03.2021

 

Niderlandın “Krant.franekercourant.nl” portalında Xocalı soyqırımı ilə bağlı məqalə dərc olunub.

AZƏRTAC xəbər verir ki, portalın jurnalistləri Niderland Azərbaycan Evinin rəhbəri Elxan Mirhəşimli və təşkilatın sədr müavini Ələkbər Həşimovdan müsahibə götürüblər. Müsahibə əsasında hazırlanmış məqalədə Xocalı soyqırımı haqqında geniş məlumat verilib.

Xocalıda erməni silahlı qüvvələri tərəfindən soyqırımı törədildiyini və bunun müasir tariximizin ən qara səhifəsi olduğunu vurğulayan jurnalist yazır ki, Azərbaycan xalqı 29 il bundan öncə - 26 fevral 1992-ci ildə törədilmiş soyqırımı qurbanlarının xatirəsini hər il yad edir, anım mərasimləri təşkil edir. Niderlandda yaşayan Azərbaycan icması Xocalı soyqırımının bu ölkədə tanınmasını istəyir.

“Biz sülh tərəfdarıyıq, erməni xalqı ilə problemimiz yoxdur. Xocalıda soyqırımı törədənlərin məhkəmə qarşısında cəzalanmasını tələb edirik ki, gələcəkdə bu cür soyqırımları baş verməsin”, - deyə Elxan Mirhəşimli bildirib. O, işğaldan azad edilmiş Qubadlını, anadan olduğu və böyüyüb boya-başa çatdığı ata ocağını görmək istədiyini qeyd edib. Amma onun evi ermənilər tərəfindən yandırılıb, ərazi isə minalandığı üçün hələ ata yurduna gedə bilmir.

Məqalədə Azərbaycan mədəniyyəti, Novruz bayramı, milli mətbəximiz, Bakıda keçirilən Formula 1 yarışları, ölkəmizin turizm potensialı, əsrarəngiz təbiəti haqqında da məlumat verilir. Bundan başqa, Niderland Azərbaycan Evinin iki ölkə arasında mədəni əlaqələrin, eləcə də dostluq və əməkdaşlıq münasibətlərinin möhkəmlənməsinə töhfəsindən söz açılıb. Həmçinin Niderland Azərbaycan Evinin yaradılması, fəaliyyəti barədə məlumatlar verilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM