16 Oktyabr 2021 12:21
1421
CƏMİYYƏT
A- A+

Nəşi 113 gündən sonra tapılan 20 yaşlı şəhid  

Nurlan Eminov 2020-ci fevral ayından müddətdən artıq həqiqi hərbi qulluqçu kimi Murovdağda “N” saylı hərbi hissədə xidmət edirdi. Vətən müharibəsində Murovdağ yüksəklikləri və Kəlbəcər istiqamətində gedən döyüşlərdə iştirak edib. Oktyabrın 3-də Kəlbəcər istiqamətində gedən döyüşlər zamanı şəhid olub. Onun nəşi 113 gündən sonra tapılaraq ailəsinə təhvil verilib.

Eminov Nurlan Pərviz oğlu 2000-ci il iyulun 2-də Kürdəmirin Ərəbqubalı kəndində anadan olub. Orta məktəbi bitirdikdən sonra 2018-ci ildə hərbi xidmətə yollanan Nurlan 2020-ci ildə tərxis olunsa da yenidən ordu sıralarına qayıdıb. Müharibə başlayanda müddətdən artıq xidmət edən hərbi qulluqçu kimi Murovdağda xidmət edirmiş.

Şəhidin qardaşı Pərvin Eminov AZƏRTAC-a bildirib ki, Nurlan yunan-Roma güləşi ilə məşğul olub, hətta rayon birinciliyində çempionluq sevinci də yaşayıb. Lakin Nurlan özünü hərbi sahədə görmək istəyirdi. Buna görə də müddətli həqiqi hərbi xidməti başa vurandan çox qısa müddət sonra müddətdən artıq həqiqi hərbi xidmət hərbi qulluqçusu kimi xidmətini davam etdirirdi: “Vətən müharibəsinin ilk günlərindən düşmənlə savaşa girən Nurlan biz narahat olmayaq deyə çox şeyi gizlədirdi. Hər danışanda da “hər şey yaxşıdır, narahat olmayın” deyirdi. Qardaşımla son dəfə oktyabrın 2-də danışdıq. Bu dəfə səsi başqa cür gəlirdi, nisgil vardı sanki. Bəlkə də bilirdi şəhid olacağını. Amma yenə də əhvalını pozmamağa, bizi nigaran qoymamağa çalışırdı. Bundan sonra qardaşımdan uzun müddət xəbər ala bilmədik. O, itkin kimi axtarışda idi. Bu il yanvarın 22-də nəşi tapılaraq bizə təhvil verildi. Yanvarın 23-də isə dəfn etdik. Məlum oldu ki, Nurlan bizimlə son danışığının səhəri günü, yəni oktyabrın 3-də Kəlbəcər istiqamətində gedən döyüşlər zamanı yaxınlığına düşən minaatan mərmisindən çıxan qəlpənin döş qəfəsinə tuş gəlməsi ilə şəhadətə yüksəlib”.

Şəhid əsgər Nurlan Eminov ölkə başçısının müvafiq Sərəncamı ilə ölümündən sonra “Vətən uğrunda” medalı ilə təltif olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video