17 Aprel 2016 12:04
988
Oxucu məktubları
A- A+

Nəhayət, su problemimiz həll olundu

 

Bizim Əlyanlı kəndinin  əhalisi uzun zamandan bəri içməli su sarıdan korluq çəkirdi. Bu problemi həll etmək üçün çox çalışsaq da, etiraf edim ki, yeni artezian quyusu qazdırmağa gücümüz çatmırdı. Beləcə, bu istəyimizi imkansızlıqdan həyata keçirə bilmirdik.

Respublika Prezidenti İlham Əliyevin tapşırığına əsasən, bu yaxınlarda daxili işlər naziri Ramil Usubov Bərdədə rayon ictimaiyyətinin nümayəndələri ilə növbəti görüş keçirirdi. Hörmətli nazir vətəndaşları diqqətlə dinləyir, əhalini narahat edən problemləri qeydə alırdı. Görüşdə mən də çıxış edib kəndimizin su problemini dilə gətirdim. Nazir kömək edəcəyinə söz verdi. Bizim üçün unudulmaz olan o görüşün elə səhəri günü kəndimizdə yeni artezian quyusunun qazılmasına başlanıldı. Qısa müddət ərzində dərinliyi 300 metrdən çox olan artezian quyusu qazılıb istifadəyə verildi. O gün kəndimizdə əsl bayram idi! Xalqa, camaata göstərilən bu qayğı, bu diqqət dövlət başçısının yeritdiyi müdrik siyasətdən qaynaqlanır. Biz bunu aydın şəkildə dərk edir və yüksək qiymətləndiririk. Daxili işlər nazirinə də ayrıca təşəkkür edirik.

 

Telman İBİŞOV,

Bərdə rayonu Əlyanlı kəndi

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video