21 Oktyabr 2011 06:10
437
Mədəniyyət
A- A+

«Müstəqil Azərbaycanım» adlı rəsm və əl işlərindən ibarət müsabiqənin qalibləri mükafat almışlar

 

Oktyabrın 20-də Muzey Mərkəzində uşaq və yeniyetmələr arasında "Müstəqil Azərbaycanım" adlı rəsm və əl işlərindən ibarət respublika müsabiqə-sərgisinin yekunlarına həsr olunmuş tədbir keçirilmişdir.

Dövlət himninin səslənməsi ilə başlanan tədbirdə çıxış edən mədəniyyət və turizm nazirinin müavini Sevda Məmmədəliyeva iştirakçıları Azərbaycanın müstəqilliyinin bərpasının 20-ci ildönümü münasibətilə təbrik etmişdir.

Bildirmişdir ki, son illər ərzində respublikanın uşaq rəssamlıq və incəsənət məktəblərinin, eləcə də uşaq yaradıcılıq mərkəzlərinin istedadlı şagirdləri beynəlxalq yarışlarda 60 diplom, 40 fəxri fərman və 20-dən çox həvəsləndirici diplom qazanmışlar.

Nazir müavini demişdir ki, Prezident İlham Əliyevin "Azərbaycan Respublikasının dövlət müstəqilliyinin bərpasının iyirminci ildönümü haqqında" 2011-ci il 21 yanvar tarixli sərəncamının icrası ilə bağlı Mədəniyyət və Turizm Nazirliyinin təşkilatçılığı ilə uşaq və yeniyetmələrin rəsm və əl işlərindən ibarət "Müstəqil Azərbaycanım" adlı respublika müsabiqəsinin keçirilməsinə qərar verilmişdir. Müsabiqəyə respublikanın uşaq rəssamlıq və incəsənət məktəblərindən, uşaq yaradıcılıq mərkəzlərindən, rəsm studiyalarından 400-ə yaxın rəsm və əl işi  təqdim edilmişdir. Tanınmış münsiflər heyəti 7-13 və 14-16 yaş qrupları üzrə ən yaxşı işlərin qaliblərini müəyyən etmişdir.

Tədbirdə qaliblərə nazirliyin müxtəlif dərəcəli diplomları, fəxri fərman və pul mükafatları təqdim olunmuşdur.

Sonra müsabiqəyə təqdim edilmiş rəsm və əl işlərinin sərgisinə baxış keçirilmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video