13 May 2018 12:05
1724
Oxucu məktubları
A- A+

Müəllim tövsiyəsi

 

Respublikamızın iqtisadiyyatı inkişaf edib şaxələndikcə peşə ixtisaslı kadrlara ehtiyac da artır. Yaşadığım Şəmkir rayonunda da yeni açılan istehsalat sahələri çoxdur. Tez-tez eşidirik ki, həmin müəssisələrə müxtəlif peşələr üzrə işçilər tələb olunur.

Mən də orta məktəbin 9-cu sinfini bitirəndə elektrik peşəsinə yiyələnmək qərarına gəldim. Bu məqsədlə sənədlərimi rayondakı texniki peşə liseyinə verdim. Artıq iki ildir ki, burada təhsil alıram. Liseydə traktorçu, xalça toxuculuğu, avtomobil çilingəri, rabitə texnologiyaları üzrə də kadrlar hazırlanır. Onu da deyim ki, burada gənclərin seçdikləri peşələrə yiyələnmələri üçün hər cür şərait var. Bu günlərdə liseydə sənaye müəssisələrinin nümayəndələri ilə görüş keçirildi. Görüşdə müxtəlif peşələrə, həm də çox sayda iş təklif edildi.

Bizə burada dərs deyən, peşə öyrədən müəllimlər deyirlər ki, seçdiyiniz ixtisasa dərindən yiyələnin. Buranı qurtarandan sonra hansı təşkilata üz tutsanız, sizin qabiliyyətinizi yoxlayacaqlar. Çalışın ki, peşələrə mükəmməl yiyələnin. Biz də müəllimlərin bi tövsiyələrinə əməl etməyə çalışırıq.

 

Nicat ŞIXƏLİYEV,

Şəmkir rayonu

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video