15 Aprel 2021 14:24
658
DÜNYA
A- A+

Mövlud Çavuşoğlu: Türkiyə Ukrayna-Rusiya böhranında neytral mövqe tutur  

 Türkiyə Rusiya ilə Ukrayna arasında yaranmış böhranda heç bir tərəfi dəstəkləmir, lakin münaqişənin tənzimlənməsi üçün diplomatik dəstək verməyə hazırdır.

AZƏRTAC Türkiyənin NTV telekanalına istinadla xəbər verir ki, bu barədə Xarici İşlər naziri Mövlud Çavuşoğlu deyib.

“Hazırda Donbasda problemlər var, lakin Minsk sazişi də mövcuddur. Biz tərəfləri bu problemi sülh və diplomatik yolla həll etməyə çağırırıq. Türkiyə həm Ukrayna, həm Rusiya, həm də digər dövlətlərin ərazi bütövlüyünü dəstəkləyir. Bizim hər hansı bir dövlətlə əlaqələrimiz digər dövlətlə münasibətlərimizə təsir etməməlidir. Ukrayna və Rusiya arasında yaranan fikir ayrılığında heç bir tərəfi dəstəkləmirik”, - deyə Mövlud Çavuşoğlu telekanala müsahibəsində bildirib.

Onun sözlərinə görə, Türkiyənin siyasəti bütün problemlər, o cümlədən də Krım məsələsi barədə aydın ifadə olunub.

“Öz mövqeyimizi hər iki tərəfə səmimi və açıq şəkildə bildirmişik, biz konstruktiv siyasət aparırıq. Hazırda gərginlik azalmağa başlayıb ki, bu da bizi sevindirir. Türkiyə bu prosesə töhfə verməyə hazırdır”, - deyə Türkiyənin Xarici İşlər naziri əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video