13:31 25 Iyul 2021
ONLINE XƏBƏR LENTİ
00:51 25.07.2021

Səmanın fatehi


00:38 25.07.2021

Cüdoda uğursuz start


00:38 25.07.2021

İlk medalçılar


00:36 25.07.2021

Boksçumuz 1/8 finalda


00:35 25.07.2021

Ən çox qəhvə içənlər


00:33 25.07.2021

Ən dadlı qəhvə


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Moskvanın müftisi, Rusiya Müsəlmanları Ruhani Məclisinin rəhbəri Albir həzrət Krqanovdan
ANA SƏHİFƏ / MƏKTUBLAR
20:58 11.06.2021


Azərbaycan Respublikasının Prezidenti Zati-aliləri cənab İlham Əliyevə

Hörmətli İlham Heydər oğlu.

İcazə verin, milli bayramınız – Respublika Günü münasibətilə Sizi və bütün Azərbaycan xalqını Rusiya Müsəlmanları Ruhani Məclisi adından və şəxsən öz adımdan təbrik edim.

Bu gün Azərbaycan xalqının tarixində çox mühüm mərhələdir. Düz 103 il bundan əvvəl, 1918-ci il mayın 28-də Azərbaycanda Qafqazda ilk demokratik respublika elan edilib. Azərbaycan Xalq Cümhuriyyəti onun ərazisində yaşayan bütün millətlərin müstəqil inkişafı üçün geniş imkanlar yaradıb, bütün sahələrdə tərəqqiyə, o cümlədən iqtisadi, siyasi və demokratik islahatlara nail olub.

Müasir Azərbaycan həmin demokratik respublikanın hüquqi varisidir. Bu gün Sizin ölkə Prezidenti kimi yorulmaz və gərgin əməyiniz sayəsində Azərbaycan Respublikası sürətlə inkişaf edir və beynəlxalq arenada öz mövqelərini möhkəmlədir. Sizin ölkəniz mütəmadi olaraq çoxsaylı tədbirlər keçirməklə bütün dünyanın siyasi, mədəni və dini liderlərini bir araya toplayan mədəniyyətlərarası dialoqun və əməkdaşlığın qlobal mərkəzi kimi son dərəcə mühüm rol oynayır.

Sevindirici haldır ki, hazırda strateji tərəfdaşlıq və əməkdaşlıq ruhunda uğurla inkişaf edən Rusiya-Azərbaycan münasibətləri qardaş ölkələrimizin inkişafı və qarşılıqlı köməyi üçün möhkəm təməl kimi xidmət edir. Rusiya Federasiyası Azərbaycan Respublikası ilə qarşılıqlı hörmət və etimad prinsiplərinə əsaslanan ənənəvi dostluq münasibətlərini səmimi qiymətləndirir. Mən, bir din xadimi kimi, əminəm ki, ölkələrimiz arasında konfessiyalararası dialoq gələcəkdə daha da möhkəmlənəcək. Rusiya Müsəlmanları Ruhani Məclisi və Qafqaz Müsəlmanları İdarəsi uzun illər boyu dinlərarası və mədəniyyətlərarası dialoqun möhkəmlənməsi, sülh, təhlükəsizlik və sabitlik ideyalarının geniş yayılması sahəsində sıx əməkdaşlıq edir. Biz ölkələrimizin müsəlmanları arasında bərqərar olmuş qardaşlıq və dostluq münasibətlərini yüksək qiymətləndiririk.

Bu əlamətdar gün bütün Azərbaycan xalqının birlik rəmzidir. Əminəm ki, Sizin qeyri-adi liderlik keyfiyyətləriniz, idarəçilik istedadınız, müdrikliyiniz, məqsədyönlülüyünüz və insanlara diqqətli münasibətiniz dövlətinizin durmadan inkişafını davam etdirməyə imkan verəcək, Azərbaycan xalqının ümid və amallarını tamamilə doğruldacaq, İslam prinsiplərinə, ənənələrinə sədaqət və hamını birləşdirən ümumbəşəri dəyərlər qarşıya qoyulmuş məsələlərin həllinə kömək edəcək.

Hörmətli İlham Heydər oğlu, Sizə və Azərbaycan Respublikasının bütün xalqına mənəvi və fiziki qüvvə, cansağlığı arzu edirəm, Ulu Tanrı bütün xoş niyyətlərinizdə Sizə yardımçı olsun.

Uca Allah Sizin bütün xeyirxah əməllərinizi, səmimi dualarınızı və ibadətinizi qəbul etsin, hər iki dünyada bu əməllərinizin əvəzini versin.

Hörmətlə və xoş dualarla,

 

Albir həzrət Krqanov

Moskvanın müftisi,

Rusiya Müsəlmanları Ruhani Məclisinin rəhbəri,

Rusiya Federasiyası İctimai Palatasının üzvü



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM