Moskvada Xocalı faciəsi qurbanlarının xatirəsi anılıb
Moskvada Xocalı faciəsi qurbanlarının xatirə gecəsi keçirilib.
AZƏRTAC xəbər verir ki, Heydər Əliyev Fondunun Rusiya nümayəndəliyi və Azərbaycanın Rusiyadakı səfirliyi tərəfindən təşkil olunan gecəni səfir Polad Bülbüloğlu açıb.
O qeyd etdi ki, Azərbaycan xalqı uzun illərdən bəri ilk dəfə olaraq bu günü qalib xalq kimi xüsusi hisslərlə qeyd edir. “Biz bunu, Müzəffər Ali Baş Komandanın rəhbərliyi, igid ordumuz, cəsur oğullarımız sayəsində qazandığımız, çoxdan gözlənilən qələbə ərəfəsində qeyd edirik. Artıq biz gələcəyə inamla baxırıq. Çünki bütün dünya qüdrətli və müasir ordumuzun əzminə, əsgər və zabitlərimizin yenilməz döyüşkənliyinə, Ali Baş Komandan İlham Əliyevin sarsılmaz iradəsinə əmin oldu”, - deyə səfir bildirib.
Diplomat vurğulayıb ki, bu müharibə bizə təkcə düşmən tərəfindən işğal olunmuş ərazilərimizi qaytarmayıb, şərəf və ləyaqətimizi qaytarıb. Qələbə, çoxmillətli Azərbaycan xalqını bir-birinə daha sıx birləşdirib. Azərbaycanda yaşayan bütün etnosların nümayəndələri - ləzgilər, yəhudilər, tatlar, avarlar, udinlər, saxurlar, ukraynalılar, ruslar, tatarlar, gürcülər... doğulduqları, böyüdükləri Vətənin, övladlarının gələcəyi, valideynlərinin rahatlığı uğrunda döyüşüblər.
P.Bülbüloğlu son zamanlar Rusiya mətbuatında Birinci Qarabağ müharibəsinin guya Sumqayıt hadisələrindən sonra başlaması ilə bağlı söylənən iddialara da münasibət bildirib. “Şəxsən mən belə fikirdəyəm ki, Sumqayıt hadisələrinin ssenarisi Qarabağda hərbi əməliyyatların daha da genişləndirilməsi və orada baş verən qəddarlığa haqq qazandırmaq üçün törədilmiş açıq təxribat idi. Çünki bu, erməni separatçılarının azərbaycanlıların Ermənistan ərazilərindən çıxarılması istiqamətində hazırladıqları böyük planın başlanğıcı idi. İkinci mərhələdə Dağlıq Qarabağın, daha sonra isə azərbaycanlıların yaşadıqları yeddi rayonun etnik təmizlənməsi həyata keçirildi”, - deyə o xatırladıb.
Səfirin sözlərinə görə, Azərbaycan xalqının müxtəlif ölkələrdəki nümayəndələri Xocalı faciəsinə diqqət çəkərək beynəlxalq təşkilatların, dünyanın müxtəlif ölkələrinin hökumətlərinin və parlamentlərinin baş verənlərə qiymət verilməsinə nail olublar. “Mən, baş vermiş soyqırımı aktının tanınmasında çox böyük işlər görmüş “Xocalıya Ədalət!” kampaniyasının təşəbbüskarı Heydər Əliyev Fondunun vitse-prezidenti Leyla Əliyevanın rolunu xüsusi qeyd edirəm”, - deyə diplomat bildirib.
P.Bülbüloğlu təəssüflə qeyd edib ki, Azərbaycan xalqına qarşı törədilən cinayətlərin sifarişçiləri və icraçıları hələ də öz layiqli cəzalarını almayıblar. Onlar hələ də beynəlxalq məhkəməyə verilməyib. O, bütün dünyanı Qarabağ müharibələri zamanı torpaqlarımızda törədilmiş dəhşətli cinayətləri tanımağa və pisləməyə çağırıb.
Tədbirdə “Nasionalnaya oborona” jurnalının baş redaktoru İqor Korotçenko, Siyasi Araşdırmalar İnstitutunun direktoru Sergey Markov,
Moskva Dövlət Beynəlxalq Münasibətlər İnstitutunun (MDBMİ) Beynəlxalq Araşdırmalar İnstitutunun Postsovet Məkanı Araşdırmaları Mərkəzinin direktoru Stanislav Çernyavski, siyasətçi, jurnalist, ictimai xadim Maksim Şevçenko çıxış ediblər.
Xatirə gecəsi professor Valeri Voronun rəhbərliyi ilə Moskva Gənclər Kamera Orkestrinin ifasında klassik musiqi konserti ilə davam edib. Konsertə Vladimir Voron, Murtuza Bülbül və İqor Berendeev dirijorluq ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Rəcəb Tayyib Ərdoğan may ayında Vaşinqtona səfər edəcək
29 Mart
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB...
29 Mart
İsveçrənin hidrogen qatarı rekord vurub
29 Mart
Laçındakı Aqrosənaye parkında 46 müəssisə fəaliyyət göstərəcək
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!