25 Avqust 2021 15:00
1043
SİYASƏT
A- A+

Misir nəşri: Prezident İlham Əliyev Azərbaycanın BMT TŞ-nin qətnamələrini yerinə yetirdiyini bəyan edib

 

Misirin nüfuzlu “Dustur” qəzetində Azərbaycan Prezidenti İlham Əliyevin BMT-nin Azərbaycana yeni təyin olunmuş rezident əlaqələndiricisi Vladanka Andreyevanı qəbul zamanı söylədiyi fikirlərə geniş yer ayırıb.

“Prezident İlham Əliyev: Biz BMT Təhlükəsizlik Şurasının qətnamələrini yerinə yetirdik və ərazi bütövlüyümüzü bərpa etdik” sərlövhəli yazıda qeyd olunub ki, Azərbaycanın dövlət başçısı münaqişənin nizama salınması istiqamətində vasitəçilik missiyasını yerinə yetirən ATƏT-in Minsk qrupunun son illər bir çox imkanları əldən verdiyini, Azərbaycanın problemi sülh yolu ilə həll etmək istədiyini deyib. O əlavə edib ki, bir çox hallarda Ermənistana sanksiyalar tətbiq edilməsi məsələsini qaldırıb və bu, müharibənin qarşısını almaq üçün bir yol ola bilərdi. Azərbaycan Prezidenti təəssüflə vurğulayıb ki, Minsk qrupu bu məsələdə öz missiyasını yerinə yetirə bilməyib və müharibəyə görə məsuliyyət yalnız Ermənistanın deyil, həmçinin onu beynəlxalq hüquqa əməl etməyə məcbur edə bilməyən və ya bunu etmək istəməyənlərin üzərinə düşür.

Məqalədə diqqətə çatdırılıb ki, Prezident İlham Əliyev Azərbaycanın BMT-nin Nizamnaməsini rəhbər tutaraq hərəkət etdiyini vurğulayıb və 51-ci maddənin hər bir ölkənin özünümüdafiə hüququnu tanıdığını əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video