28 Iyun 2013 03:06
384
PARLAMENT
A- A+

Milli Məclisin Sədri Vyetnama dəvət edilmişdir

 

İyunun 27-də Milli Məclisin Sədri Oqtay Əsədov Vyetnam Milli Məclisinin sədr müavini Uonq Çu Lunun başçılıq etdiyi nümayəndə heyəti ilə görüşmüşdür.

Vyetnam parlamentinin üzvlərini Azərbaycanda görməkdən məmnun olduğunu bildirən O.Əsədov iki ölkə arasındakı əlaqələri bütün sahələr üzrə genişləndirməyin vacibliyini bildirmişdir. Diqqətə çatdırmışdır ki, Azərbaycan Vyetnamda öz səfirliyini açmışdır. Səfirlik diplomatik münasibətlərin tənzimlənməsində əhəmiyyətli rol oynayır. Lakin bununla yanaşı, parlamentlərarası əlaqələrin də gücləndirilməsi zəruridir.

Qeyd olunmuşdur ki, Azərbaycan öz müstəqilliyini əldə etməsindən ötən qısa müddətdə böyük inkişaf yolu keçmişdir. Bu gün Azərbaycan Avropanın enerji təminatında mühüm rol oynayır. Bakı-Tbilisi-Ceyhan neft, Bakı-Tbilisi-Ərzurum qaz kəmərləri vasitəsilə Azərbaycan özünün karbohidrogen ehtiyatlarını dünya bazarlarına çıxarır. Bakı-Tbilisi-Qars dəmir yolu layihəsi isə nəinki Cənubi Qafqaz bölgəsinin, ümumilikdə, Şərqin iqtisadi inkişaf tempinin artmasına yaxından kömək göstərəcəkdir.

Ermənistan-Azərbaycan, Dağlıq Qarabağ münaqişəsi haqqında qonaqlara məlumat verən Milli Məclisin Sədri demişdir ki, Ermənistan bütün beynəlxalq qanunlara zidd olaraq Azərbaycan torpaqlarını işğal altında saxlayır.

Uonq Çu Lu səmimi görüşə və qonaqpərvərliyə görə minnətdarlıq edərək bildirmişdir ki, səfərinin məqsədi iki ölkə arasında iqtisadi əməkdaşlıq əlaqələrini genişləndirməklə yanaşı, xalqların da yaxınlaşmasına zəmin yaratmaqdır.

Azərbaycan ilə enerji sahəsində əməkdaşlığın Vyetnam üçün mühüm olduğunu nəzərə çatdıran qonaq yüzlərlə neft mühəndisinin məhz Azərbaycanda təhsil alaraq mütəxəssis kimi yetişdiklərini qeyd etmişdir.

Uonq Çu Lu Vyetnam Milli Məclisi sədrinin adından Azərbaycan Milli Məclisinin Sədri Oqtay Əsədovu ölkəsinə rəsmi səfərə dəvət etmişdir.

Görüşdə qarşılıqlı maraq doğuran məsələlər ətrafında fikir mübadiləsi aparılmışdır.

 

AzərTAc

Foto F.BAĞIROVUNDUR

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video