Milli Məclis sədrinin müavini: Ermənistan rəhbərliyinin apardığı təcavüz siyasəti bu dövlətin tənəzzülünə səbəb oldu
Mayın 24-də Milli Məclis sədrinin müavini Adil Əliyev Vətən müharibəsində arxa cəbhədə fəallıq göstərmiş gənclər, siyasi şərhçilər və jurnalistlərlə görüşüb.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, A.Əliyev Vətən müharibəsindən söhbət açaraq onun şanlı tariximizin ən böyük hadisələrindən biri olduğunu deyib, Prezident, Müzəffər Ali Baş Komandan İlham Əliyevin rəhbərliyi ilə qalib Ordumuzun 30 ilə yaxın işğal altında qalan torpaqlarımızı düşmən təcavüzündən həmişəlik azad etməsinin hamımıza qürur yaşatdığını diqqətə çatdırıb. Bildirib ki, əsası ulu öndər Heydər Əliyev tərəfindən qoyulmuş, Prezident İlham Əliyev tərəfindən uğurla həyata keçirilən ordu quruculuğu, yüksək ixtisaslı hərbi kadrların hazırlanması döyüş meydanında düşmənə ağır zərbənin vurulması ilə nəticələndi. Müharibədə qazanılmış Qələbənin diplomatik müstəvidə uğurla davam etdirilməsi isə bir neçə rayonumuzun düşmən tərəfindən dərhal boşaldılmasını təmin etdi.
Milli Məclis sədrinin müavini son 6 ayda Ermənistanda davam edən xaosun səbəbinin müharibədəki məğlubiyyətin olduğunu diqqətə çatdıraraq, 30 illik işğal siyasətindən əl çəkməyən, hər addımda humanitar hüququn tələblərini kobud şəkildə pozan Ermənistanın bununla da özünü regionda həyata keçirilən bütün layihələrdən kənarda qoyduğunu vurğulayıb. Qeyd edib ki, bu gün Ermənistanda da başa düşürlər ki, böyük səhvə yol veriblər, vaxt itiriblər. Ölkələri müstəqillik əldə etdikdən sonra inkişaf yolu ilə getməyə başlasaydı, indi bu vəziyyətdə olmazdı. İtirilən bu illər Ermənistanın daha da müflisləşməsinə səbəb olub. Vətən müharibəsindəki məğlubiyyət isə Ermənistan dövlətinin vəziyyətini daha da gərginləşdirib.
Adil Əliyev bildirib ki, Azərbaycan artıq işğaldan azad edilmiş ərazilərdə böyük quruculuq işlərinin əsasını qoyub. Şuşa şəhərinin Azərbaycan mədəniyyətinin paytaxtı elan edilməsi ilə eyni vaxtda “Xarıbülbül” musiqi festivalının yenidən Şuşada təşkil edilməsi isə Qarabağa yeni nəfəs gətirdi.
Səmimi görüşə görə təşəkkürlərini bildirən gənclər bundan sonra da istər yerli, istərsə də xarici media orqanları vasitəsilə ölkəmizin haqq səsinin dünyaya çatdırılmasına çalışacaqlarını qeyd ediblər. Bildiriblər ki, Ermənistanın minalanmış sahələrin xəritəsini təqdim etməməklə törətdiyi növbəti humanitar hüququn pozulması faktı barədə geniş məlumat verəcək, habelə şəhid və qazi ailələrinin qayğılarını hər zaman diqqət mərkəzində saxlayacaqlar.
Sonda görüş iştirakçılarına Vətən müharibəsində arxa cəbhədə göstərdikləri xidmətlərə görə Milli Məclisin Gənclər və idman komitəsinin Fəxri fərmanı təqdim edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
HƏMAS lideri İranın Baş Qərargah rəisi ilə görüşüb
29 Mart
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!