Milli Məclis daim Türkiyənin haqlı mövqeyini dəstəkləyir
Fevralın 8-də Mill Məclisin Sədri Oqtay Əsədov Azərbaycanda səfərdə olan Türkiyə Respublikası Silahlı Qüvvələrinin Baş Qərargah rəisi Nejdət Özəlin başçılıq etdiyi nümayəndə heyəti ilə görüşüb. Görüşdə Azərbaycan ilə Türkiyə arasında dostluq və qardaşlıq münasibətlərinin bütün istiqamətlərdə, o cümlədən hərbi sahədə uğurla inkişaf etdiyi qeyd olunub. Milli Məclisin Sədri Oqtay Əsədov Baş Qərargah rəisi Nejdət Özəlin ölkəmizə səfərinin bu əlaqələrin daha da genişləndirilməsi işinə xidmət edəcəyini vurğulayıb.
Spiker Oqtay Əsədov bildirib ki, Azərbaycan dövlət müstəqilliyini qazandıqdan sonra Türkiyə ilə qardaşlıq münasibətlərinin, eləcə də bütün sahələrdə əməkdaşlığın inkişafına çalışıb. Onun sözlərinə görə, iki ölkə arasında 170-dən artıq ikitərəfli sənəd ratifikasiya edilib. Eyni zamanda "Azərbaycan və Türkiyə arasında strateji tərəfdaşlıq və qarşılıqlı yardım haqqında" müqavilə imzalanıb.
Oqtay Əsədov bildirib ki, 1992-ci ildən bugünədək Azərbaycandan 5000 hərbçi Türkiyədə yüksək səviyyədə təhsil alaraq geri qayıdıb. "Dahi liderimiz Heydər Əliyevin "Biz bir millət, iki dövlətik" məşhur kəlamı onu göstərir ki, bizim aramızdakı münasibətlərə heç bir ölkə xələl gətrirə bilməz" - deyə Oqtay Əsədov vurğulayıb.
Sədr eyni zamanda Fransa Senatının qondarma "erməni soyqırımı"nın inkarına görə cəza nəzərdə tutan qanunu qəbul etməsini Azərbaycanda da ciddi narazılıqla qarşılandığını vurğulayıb. Oqtay Əsədov bildirib ki, Azərbaycan Milli Məclisi daim Türkiyənin yanında olub və bundan sonra da qardaş ölkəyə bu dəstək davam edəcək. Bu məsələdə həm Prezident İlham Əliyev, həm də Milli Məclis Azərbaycanın qəti mövqeyini bəyan edib. Oqtay Əsədov ümidvar olduğunu bildirib ki, Türkiyə və Azərbaycanın birgə səyi nəticəsində bu qanunun təsdiqlənməsinin qarşısı alınacaq.
Görüşdə Türkiyə Silahlı Qüvvələrinin Baş Qərargah rəisi Nejdət Özəl iki ölkə arasında olan münasibətlərin getdikcə genişləndiyini diqqətə çatdırıb. Türkiyə ilə Azərbaycanın 1992-ci ildən bəri davam edən hərbi sahədəki əməkdaşlığını yüksək qiymətləndirən Nejdət Özəl bildirib ki, ulu öndər Heydər Əliyevin və Mustafa Kamal Atatürkün iki qardaş ölkə ilə bağlı söylədikləri müdrik kəlamlar bizim üçün nəsihət hesab olunur. Buna görə də hər iki ölkə bu nəsihətləri gələcək nəsillərə çatdırmaq üçün birlik nümayiş etdirməlidirlər. Azərbaycanın problemi Türkiyənin problemidir deyən Nejdət Özəlin fikrincə, ölkələrimiz arasında münasibətlər daim yüksələn xətlə inkişaf etməli və daha da möhkəmlənməlidir.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
HƏMAS lideri İranın Baş Qərargah rəisi ilə görüşüb
29 Mart
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!