05 Noyabr 2017 12:11
974
Oxucu məktubları
A- A+

Məni yaşadan oğlumun xatirəsinin əziz tutulmasıdır

 

Ölkəmizin ərazi bütövlüyü uğrunda şəhid olan və Azərbaycanın ən ali mükafatına - Milli Qəhrəman adına layiq görülənlər arasında mənim oğlum Eltun İsgəndərov da var. Fəxr edirəm ki, böyüdüb boya-başa çatdırdığım övladım Vətənini canından əziz tutaraq onun yolunda şəhid olub.

Atayam. Vətənin, millətin  şəhid övladısa mənimdir. Şəhidlik nə qədər uca və müqəddəs zirvə olsa da, övlad itkisi valideynləri üçün  sağalmaz yaradır. Amma məni yaşadan, təskinlik verən, gələcəyə nikbin baxmağa vadar edən oğlumun xatirəsinin əziz tutulması, ona göstərilən dövlət münasibəti, el məhəbbətidir. Şəhid olduğu gündən indiyədək Eltun unudulmayıb  və vaxtilə təhsil aldığı Samux rayonunun Əhmədbəyli kənd orta məktəbində onun doğum günləri hər il təntənə ilə qeyd edilib.

Builki anım gününə də xeyli insan yığışmışdı. Oğlumun məzarını ziyarət edən  və üstünə tər qərənfillər düzənlər arasında uşaqları, gəncləri görəndə  ürəyim fərəhlə döyündü.  Onların hər birini öz balam bildim. Tədbir daha sonra oğlumun  təhsil aldığı Əhmədbəyli kənd orta məktəbində davam etdirildi. Mərasimdə onun qısa, lakin şərəfli  ömür yolundan,  xidməti şücaətindən danışıldı.  Çıxış edənlər dövlətimizin şəhid ailələrinə və Qarabağ müharibəsi əlillərinə göstərdiyi qayğıdan da bəhs etdilər. Bəli, ölkə Prezidenti İlham Əliyev torpaqlarımızın müdafiəsi uğrunda canından keçən Vətən oğullarını və onların ailə üzvlərini daim diqqət mərkəzində saxlayır. Onların həyat və məişət şəraitinin yaxşılaşdırılmasına xüsusi önəm verir. 

Oğlum  2009-cu ildə həqiqi hərbi xidmətdə olarkən Cəlilabad rayonu istiqamətində sərhəd pozucuları ilə döyüşdə əsgər yoldaşlarının həyatını öz canı bahasına xilas edərək  şəhid olub.

Mən bir şəhid atası kimi torpaqlarımızın toxunulmazlığı uğrunda canlarından keçən mərd oğullarımızın xatirəsini əziz tutan hər kəsə, o cümlədən ölkə rəhbərinə ailəmiz adından minnətdarlığımı bildirirəm.

 

Xaləddin İSGƏNDƏROV,

şəhid atası

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video