Meksika Azərbaycanla bütün sahələr üzrə əməkdaşlıqda maraqlıdır
Azərbaycanda səfərdə olan Meksika Senatı sədrinin müavini Françisko Arroyo Vieyranın rəhbərlik etdiyi nümayəndə heyəti iyulun 11-də Milli Məclisdə olub. Meksikalı qonaqlar əvvəlcə Milli Məclisin inzibati binasını gəzib deputatlar üçün yaradılmış şəraitlə tanış olublar. Meksika Senatı sədrinin müavini parlamentdə tətbiq olunan müasir texnologiyanı yüksək qiymətləndirib. Qonaqlar Milli Məclisdəki Heydər Əliyev Xatirə zalında Azərbaycan xalqının ümummilli liderinin həyat və fəaliyyətini əks etdirən fotolara baxıblar.
Sonra nümayəndə heyəti ilə Azərbaycan-Meksika parlamentlərarası əlaqələr üzrə işçi qrupunun üzvləri arasında görüş keçirilib. Azərbaycan-Meksika parlamentlərarası əlaqələr üzrə işçi qrupunun rəhbəri Ülvi Quliyev bildirib ki, bu səfər həm xalqlarımız, həm də dövlətlərimiz arasında olan münasibətlərin inkişafına təkan verəcək. Onun sözlərinə görə, Azərbaycan Meksika ilə əlaqələrə çox böyük önəm verir. Bu səbəbdən də tərəflər arasında dialoqun aparılması çox vacibdir. Ü.Quliyev diqqətə çatdırıb ki, Azərbaycan çox gənc ölkədir və 20 il müddətində böyük nailiyyətlər qazanıb: "Azərbaycan gənc dövlət olmasına baxmayaraq qədim dövlətçilik ənənəsinə malik bir ölkədir. Müsəlman Şərqində ilk demokratik dövlət olan Azərbaycan 1918-ci ildə qadınlara seçki hüququ verib". İşçi qrupunun rəhbəri ümidvar olduğunu bildirib ki, yaxın zamanlarda Meksikanın Azərbaycanda səfirliyi açılacaq və ikitərəfli əlaqələrimiz yüksələn xətlə inkişaf edəcək. İşçi qrupunun rəhbəri deyib ki, Azərbaycan iqtisadi cəhətdən güclü bir dövlətə çevrilib. Regionun lider dövləti hesab olunan ölkəmizin yeganə problemi isə Ermənistan-Azərbaycan, Dağlıq Qarabağ münaqişəsidir. Ülvi Quliyev işçi qrupunun üzvləri adından Meksika Senatının Ermənistan-Azərbaycan, Dağlıq Qarabağ münaqişəsi ilə bağlı qəbul etdiyi qərara görə nümayəndə heyətinə minnətdarlığını bildirib. Qeyd edək ki, həmin qərara əsasən Meksika Ermənistanı işğalçı dövlət, Xocalı faciəsini isə soyqırımı kimi tanıyır.
Ü.Quliyev onu da vurğulayıb ki, hər iki ölkənin hökumət üzvlərinin, iş adamlarının qarşılıqlı səfərləri Azərbaycan-Meksika iqtisadi əlaqələrini möhkəmləndirəcək və səfərlərin davamlı olması, biznes forumların keçirilməsi ticari əlaqələrin inkişafına öz müsbət təsirini göstərəcək.
Meksika Senatı sədrinin müavini Françisko Arroyo Vieyra isə bildirib ki, Azərbaycanın gənc dövlət olmasına baxmayaraq bu cür sürətli inkişaf etməsi onlarda böyük sevinc hissi yaradıb. Onun sözlərinə görə, 20 illik müstəqillik tarixi olan bir dövlət artıq Avropa və dünyanın bir çox beynəlxalq təşkilatlarında söz sahibinə çevrilib. Azərbaycan regionda ən böyük iqtisadi layihələri həyata keçirən bir ölkədir. Onun sözlərinə görə, Meksika Azərbaycanla bütün sahələr üzrə əməkdaşlıqda maraqlıdır.
Sonra görüşdə qarşılıqlı maraq doğuran digər məsələlər ətrafında fikir mübadiləsi aparılıb.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!