06:21 23 Oktyabr 2021
ONLINE XƏBƏR LENTİ
01:45 23.10.2021 Azad yurdum
01:15 23.10.2021 “Korona”, yoxsa qrip?
01:11 23.10.2021 50-Cİ QƏLƏBƏ
00:57 23.10.2021 Söz var ki...
00:41 23.10.2021 2500 yaşlı xalça
00:36 23.10.2021 Bilərzik-smartfon
00:34 23.10.2021 “Windows 11” gəlir
00:32 23.10.2021 Ağıllı qapı zəngləri
00:23 23.10.2021 BİLDİRİŞ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Marneuli bələdiyyəsinin Qızılhacılı kəndində SOCAR-ın inşa etdiyi idman kompleksinin açılışı olub
ANA SƏHİFƏ / İDMAN
23:48 18.09.2021

 

Gürcüstanda azərbaycanlıların yığcam yaşadıqları Marneuli bələdiyyəsinin 11 minə yaxın əhalisi olan Qızılhacılı kəndində beynəlxalq standartlara uyğun, yeni texnologiyalar əsasında tikilmiş idman kompleksinin açılış mərasimi keçirilib.

AZƏRTAC xəbər verir ki, mərasimdə Gürcüstanın Baş naziri İrakli Qaribaşvili, SOCAR-ın prezidenti Rövnəq Abdullayev, Azərbaycanın Gürcüstandakı səfiri Faiq Quliyev, Kvemo-Kartli qubernatoru Şota Rexviaşvili, Gürcüstan parlamentinin deputatları Savalan Mirzəyev, Zaur Darğallı və digər rəsmi şəxslər iştirak ediblər.

Baş nazir İrakli Qaribaşvili mərasimdə çıxış edərək Azərbaycan-Gürcüstan dostluğundan danışıb. Bildirib ki, strateji tərəfdaş olan Gürcüstanla Azərbaycan arasındakı münasibətlər digər ölkələr üçün də nümunədir. Hökumət başçısı Azərbaycanı Gürcüstanın dostu və qardaşı adlandırıb.

Bu cür layihələrin həyata keçirilməsini yüksək qiymətləndirən İ.Qaribaşvili Gürcüstana göstərdiyi hərtərəfli dəstəyə görə Azərbaycan dövlətinə və şəxsən Prezident İlham Əliyevə, eləcə də SOCAR rəhbərliyinə minnətdarlıq edib.

SOCAR-ın prezidenti Rövnəq Abdullayev çıxışında deyib ki, Prezident ilham Əliyev dost və qardaş Gürcüstanla münasibətlərin inkişafına hər zaman böyük diqqət göstərib. Bu ölkədə yaşayan soydaşlarımızın sosial problemlərinin həllində Gürcüstan dövlətinə kömək göstərmək barədə SOCAR rəhbərliyinə konkret tapşırıqlar verib.

Onun sözlərinə görə, idman kompleksinin, eləcə də digər sosial obyektlərin tikintisi, ölkənin qazlaşdırılması sahəsinə ayrılan investisiyalar bunun bariz nümunəsidir.

Bildirilib ki, SOCAR-ın Gürcüstanda həyata keçirdiyi xeyriyyə layihələri çərçivəsində inşa olunan idman kompleksində basketbol, voleybol və futzal üzrə beynəlxalq yarışların keçirilməsi üçün də imkan yaradılıb. Müasir istilik və soyutma sistemləri, yanğın əleyhinə vasitələr ilə təmin olunmuş kompleks 150 tamaşaçı yerlikdir.

Binanın ətrafı abadlaşdırılıb, kompleksin yaxınlığındakı futbol stadionu yenidən qurulub, buraya yeni sintetik qazon döşənib, metal çəpərlər, tribunalar, işıqlandırma sistemi təmir edilib, tamaşaçılar üçün müasir oturacaqlar quraşdırılıb.

Sonra Gürcüstanın Baş naziri İrakli Qaribaşvili, SOCAR prezidenti Rövnəq Abdullayev və digər rəsmi şəxslər idman kompleksində yaradılan şəraitlə tanış olublar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM