11:48 07 May 2021
ONLINE XƏBƏR LENTİ
00:49 07.05.2021

Azərbaycanın xilaskarı


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Levan Metreveli: Azərbaycan Prezidentinin qətiyyəti sayəsində Cənubi Qafqazda yeni reallıqlar yaranıb
ANA SƏHİFƏ / SİYASƏT
18:50 13.04.2021

 

Azərbaycan Prezidenti İlham Əliyevin qətiyyəti və həyata keçirdiyi uğurlu siyasət nəticəsində təkcə Azərbaycanda deyil, Cənubi Qafqazda, eləcə də dünyada yeni reallıqlar yaranıb, təhlükəsizlik, sülh və birgə inkişaf üçün yeni imkanlar açılıb.

Bu sözləri AZƏRTAC-a açıqlamasında İvane Cavaxişvili adına Dövlət Universitetinin Gürcüstanın Kompleks İnkişafı Tədqiqat Mərkəzinin direktoru professor Levan Metreveli söyləyib.

O deyib ki, Azərbaycan 30 il işğal altında qalan torpaqlarını qısa müddətdə azad edib. Bundan sonra Azərbaycan Prezidenti İlham Əliyev regionda həyata keçiriləcək yeni nəqliyyat, enerji və infrastruktur layihələri barədə dünyaya mesaj verib. Azərbaycanda artıq bu istiqamətdə mühüm işlər görülür. Bütün bunlar dünyanın diqqət mərkəzindədir. Hamı, eləcə də Gürcüstan ictimaiyyəti, elm adamları prosesləri diqqətlə izləyirlər.

Professor deyib ki, bu gün Bakıda, ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda Azərbaycan Prezidenti İlham Əliyev çox maraqlı fikirlər söyləyib. Bu fikirlərdən biri də Azərbaycanın qonşuları ilə bağlı olub. Prezident İlham Əliyev deyib: “İndi qonşularımız regional inkişafla bağlı bizim baxışlarımızı paylaşırlar. Yeri gəlmişkən, biz regionun gələcəyini, nəqliyyat, logistika, enerji əməkdaşlığı, ticarət və s. ilə bağlı layihələrin necə ola biləcəyini qonşularımızla müzakirə etmişik”.

Azərbaycan Prezidentinin fikirlərinin həqiqət olduğunu vurğulayan professor deyib: “Biz bu yaxınlarda Gürcüstan Milli Elmlər Akademiyasında Azərbaycan səfirliyi ilə birlikdə “Azərbaycan-Gürcüstan strateji tərəfdaşlığı Cənubi Qafqazda sülh və inkişafın amili kimi” mövzusunda konfrans keçirdik. Həmin tədbirdə də qeyd olundu ki, Azərbaycanın qətiyyəti sayəsində Cənubi Qafqazda yeni imkanlar, yeni reallıqlar yaranıb. Bütün qonşu dövlətlər bu imkandan istifadə etməli, sülhün və təhlükəsizliyin təmin olunmasına, regionun inkişafına töhfələrini verməlidirlər”.

Onun sözlərinə görə, Gürcüstanın elm adamları qardaş Azərbaycanın sevincinə qoşulur və birgə inkişafımıza töhfə verməyə hazır olduqlarını bildirirlər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM