30 Mart 2017 04:03
872
Turizm
A- A+

Lenta.ru: Bakıda turistlərin rahatlığı üçün hər cür şərait yaradılıb

“Moskvadan təyyarə ilə üç saatlıq yol və budur, Şərq nağılı - Bakı şəhəri. Nə türk, nə də ərəb, bizim postsovet şəhəri. Alışdığımız rus dili, sovet filmlərindən tanış gələn yerlər, paxlava və ətirli pomidorlar”.

Rusiyanın Lenta.ru saytı Azərbaycan paytaxtı haqqında belə yazır. “Mersi, Baku! Azərbaycanın paytaxtı turistləri necə valeh edir” adlı məqalədə deyilir ki, Bakı təmizlikdə nümunəvi şəhərdir.

Yazıda paytaxtımızın yaşıllığına və çoxsaylı fəvvarələrinə diqqət yetirilir. Bildirilir ki, şəhərdə həm sakinlərin, həm də qonaqların rahatlığı üçün hər cür şərait yaradılıb. Müəllif Bakının tarixi ilə tanışlığa “Atəşgah məbədi” qoruğundan başlayır. Yazıda nadir tarixi abidə adlandırılan “Atəşgah məbədi” haqqında ətraflı məlumat verilir. Qeyd olunur ki, minlərlə turistin ziyarət etdiyi daha bir abidə “Yanardağ”dır. Turistlər “Yanardağ”ın fonunda selfi çəkdirmədən oradan ayrılmırlar.

“İçərişəhər isə Bakının incisidir. O dar küçələri bütün gün gəzməyə hazıram”, - deyə müəllif yazır. Diqqətə çatdırılır ki, məhz burada məşhur “Brilliantovaya ruka” filmi lentə alınıb. Oxucuların diqqətini möhtəşəm Şirvanşahlar Sarayı Kompleksinə çəkən müəllif vurğulayır ki, ildə bu kompleksi on minlərlə turist ziyarət edir.

Məqalədə Bakının ən məşhur tarixi abidəsi olan Qız qalasının tarixindən də bəhs edilir. Məlumat verilir ki, paytaxtımızın rəmzi hesab olunan Qız qalası 2000-ci ildən UNESCO-nun Dünya İrs Siyahısına daxil edilib. Müəllif yazır ki, Bakının bir tərəfində İçərişəhərin istehkam divarları, digər tərəfində isə göydələnlər xarici qonaqları valeh edir.

Yazıda qeyd edilir ki, turistlərin fotoşəkillər çəkdirmək üçün gedəcəyi daha bir mədəni istirahət yeri Dağüstü parkdır. Dağüstü parkdan şəhərə və Bakı buxtasına ecazkar mənzərə açılır. Azərbaycanın milli mətbəxinə səyahət edən müəllif düşbərə, qutab, dolma, plov, ələlxüsus da kabab kimi təamlardan dadmağı tövsiyə edir.

Məqalədə, həmçinin Azərbaycan iqtisadiyyatının gücləndiyi və paytaxt Bakının məşhur turizm şəhərinə, o cümlədən alış-veriş üçün sevimli bir məkana çevrildiyi vurğulanır. Müəllif bu il aprelin 10-dan mayın 10-dək paytaxtımızda ilk dəfə Bakı Şoping Festivalının keçiriləcəyini oxucuların diqqətinə çatdırır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video