15 Oktyabr 2011 06:10
479
DÜNYA
A- A+

Kuba ABŞ-la məhbus mübadiləsindən imtina etdi

 

Kuba hakimiyyət orqanları ABŞ-la məhbus mübadiləsindən imtina etmişdir. Bu barədə "Assoşieyted Press" agentliyi xəbər verir.

Amerikalılar Kubaya ABŞ-da casusluğa görə məhkum olunmuş kubalı Rene Qonsalesi öz vətəndaşları, Havana həbsxanasında 15 illik cəza çəkən Alan Qrossa dəyişməyi təklif etmişlər. Məlumata görə, amerikalıar həmçinin bir sıra digər güzəştlər etməyə də söz vermişlər. Məsələn, mübadilənin baş tutacağı təqdirdə ABŞ Kubanın adını terrorçuluğu dəstəkləyən ölkələr siyahısından çıxaracaq, iki ölkə arasında poçt əlaqəsini yaxşılaşdıracaq və "Havana Club" romunun ABŞ-da satılmasına lisenziya verəcəkdir. Buna baxmayaraq, Kuba Qonsalesin həbs müddətinin başa çatdığını əsas gətirərək təklifdən imtina etmişdir. Havana ABŞ-dan Kubanın daha bir neçə vətəndaşının azad olunmasını tələb etsə də, tərəflər hələ ki razılığa gələ bilməmişlər.

Rene Qonsales 2001-ci ildə casusluqda ittiham olunaraq məhkum edilmişdir. 13 il həbsxanada yatmış Qonsales bu ay zaminə buraxılmışdır. Lakin məhkəmənin qərarı ilə o, vətənə qayıtmazdan əvvəl hələ üç il ABŞ-da qalmalıdır. Alan Qross 2009-cu ilin dekabrında Kuba ərazisinə qadağan olunmuş rabitə avadanlığı keçirmək cəhdinə görə tutulmuşdu.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video