05 Noyabr 2017 12:11
1070
Oxucu məktubları
A- A+

Köçkünlərin müayinə və müalicəsi asanlaşacaq

 

24 ildir ki, doğma yurdumuzdan didərgin düşmüşük. Var olsun dövlətimizi, bizə hər cür qayğı göstərib,  eləcə də mənzil-məişət şəraitimizi yaxşılaşdırıb. İndi geniş və rahat  mənzillərdə yaşayırıq. Yurd həsrətindən başqa  heç bir problemimiz qalmayıb.

Məcburi köçkün həyatı yaşayan hər bir kəlbəcərli mütəmadi olaraq tibbi  müayinədən keçirilir, müalicə üçün zəruri pulsuz dərmanlarla təmin edilir. Gəncədə fəaliyyət göstərən Kəlbəcər rayon xəstəxanasının maddi-texniki bazasının möhkəmləndirilməsi də  həmişə diqqət mərkəzində olub. Lakin xəstəxanada bəzi şöbələrin olmaması müəyyən problemlər yaradırdı. Bu günlərdə bu da aradan qaldırıldı: səhiyyə ocağında daha iki - cərrahiyyə və mama-ginekologiya şöbələri  istifadəyə verildi.  Hər iki şöbə üçün yeni bina inşa edilib və müasir tibb avadanlıqları ilə təmin olunub. Daha kəlbəcərlilər  cərrahiyyə əməliyyatları və ginekoloji müayinələr üçün başqa xəstəxanalara, rayon və ya şəhərlərə  getmək məcburiyyətində qalmayacaqlar. Artıq hər iki şöbə üzrə tibbi xidmət  təcrübəli həkimlər tərəfindən həyata keçirilir. Göstərilən diqqətə və yaradılan şəraitə görə  kəlbəcərlilər  ölkə başçısına  minnətdardırlar.

 

Bəşir BƏŞİROV,

Gəncədə məskunlaşmış Kəlbəcər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video