03 Mart 2021 15:20
817
DÜNYA
A- A+

KİV: Ermənistanda baş qərargah rəisinin həbsinə hazırlıq gedir

 

Ermənistan hüquq-mühafizə orqanları silahlı qüvvələrin baş qərargah rəisi Onik Qasparyanı həbs etmək üçün əsas hazırlayır.

AZƏRTAC xəbər verir ki, bu barədə Ermənistanın “00” internet-nəşri məlumat yayıb. Məlumatda hökumətdəki mənbələrə istinadla Qasparyana qarşı cinayət işi açılmasına dair siyasi komanda verildiyi bildirilir.

Hələlik digər mənbələrdən bu barədə informasiya verilməyib.

Ermənistanda son günlər dərin siyasi böhran hökm sürməkdədir. Böhrana baş qərargahın baş nazir Nikol Paşinyanın istefa verməsini tələb edən bəyanatı və bunun ardınca baş qərargah rəisinin birinci müavini Tiran Xaçatryanın vəzifədən azad edilməsi səbəb olub. Daha sonra Paşinyan baş qərargah rəisi Onik Qasparyanın da vəzifəsindən kənarlaşdırılması təklifi ilə prezidentə iki dəfə müraciət edib. Lakin prezident hər iki halda bu barədə sərəncam imzalamaqdan boyun qaçırıb.

Paşinyan martın 1-də respublika meydanında keçirilən mitinqdə çıxışı zamanı sabiq prezident Serj Sarkisyanı və keçmiş hakimiyyəti ordunu qanuni hakimiyyətin əleyhinə qaldırmağa cəhd göstərməkdə ittiham edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video