Kamran Əliyev: Türkiyə səfəri Azərbaycan nümayəndə heyəti üçün çox mühüm və vacibdir
Türkiyəyə səfərimiz qardaş ölkənin Ali Məhkəməsinin sədri Mehmet Akarca və adıgedən qurumun Baş prokuroru Bekir Şahinin dəvəti əsasında baş tutub. Səfərin iki əsas istiqamətini qeyd etmək istərdim. Bunlardan birincisi, Türkiyə Ali Məhkəmə və Ali Məhkəmənin Baş Prokurorluğunun inzibati binalarının açılış mərasimi idi. Bildiyiniz kimi, açılış mərasimində Türkiyə Prezidenti Rəcəb Tayyib Ərdoğan da iştirak edib. Digər istiqamət isə yüksək instansiya məhkəmələrində mülki və cinayət işlərinə baxılması, eləcə də bu cinayət işlərinin baxılmasında prokurorluğun rolu mövzusunda beynəlxalq simpoziumda iştirak idi.
Bu fikirləri Türkiyədə səfərdə olan Azərbaycanın Baş prokuroru Kamran Əliyev azərbaycanlı jurnalistlərə müsahibəsində deyib.
Bu tədbirlərdə dünyanın müxtəlif ölkələrinin nüfuzlu beynəlxalq təşkilatlarının nümayəndələrinin iştirak etdiyini xatırladan Kamran Əliyev deyib: “Bu baxımdan səfər və tədbirlərdə iştirak Azərbaycan nümayəndə heyəti üçün çox mühüm və vacibdir. Bildiyiniz kimi, burada həm Azərbaycan Respublikası Baş Prokurorluğu, həm də ölkəmizin Ali Məhkəməsi təmsil olunur. Səfər əsnasında biz Türkiyə ilə ikitərəfli münasibətlərimizin daha da inkişaf etdirilməsi və təkmilləşdirilməsi istiqamətində müxtəlif görüşlər keçirdik. Bundan əlavə tədbirdə iştirak edən digər ölkələrin baş prokurorları, həmçinin nüfuzlu beynəlxalq təşkilatların rəhbərləri ilə də görüşlərimiz oldu. Bu görüşlərdə Azərbaycanda, eyni zamanda, ölkəmizin prokurorluq orqanlarında son zamanlar həyata keçirilən islahatlar barədə həmkarlarımızı məlumatlandırdıq”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!