25 Fevral 2021 21:21
692
SİYASƏT
A- A+

İsveçrədə “Xocalı həftəsi“ təşkil edilib

 

Xocalı soyqırımının 29-cu ildönümü ilə əlaqədar bu faciə ilə bağlı İsveçrədə məlumatlılığın artırılması istiqamətində silsilə tədbirlər həyata keçirilir.

Azərbaycanın İsveçrədəki səfirliyindən AZƏRTAC-a bildiriblər ki, bu məqsədlə səfirliyin dəstəyi və Azərbaycanlıların İsveçrədəki Mədəniyyət Mərkəzinin rəhbəri Q.Nəsirovun təşkilatçılığı ilə bu ölkənin şəhərlərində “Xocalı həftəsi” təşkil edilib. “Xocalı həftəsi” çərçivəsində üzərində soyqırımı nəticəsində qətlə yetirilən uşaqların fotoşəkilləri olan maketlərdən ibarət sərginin göstərilməsinə başlanılıb.

İlk tədbir fevralın 25-də Cenevrənin mərkəzi meydanında baş tutub.

Qeyd edək ki, maketlərin üzərində qətlə yetirilmiş uşaqların şəkilləri və Xocalı faciəsinin tarixini göstərən QR kodlar yerləşdirilib. Eyni zamanda, maketlərin üzərində broşürlər üçün xüsusi yer ayrılıb. Belə ki, onların bir tərəfində Xocalı soyqırımı ilə bağlı məlumat, digər tərəfində isə sülhü təmsil edən oriqami əks olunan broşürlər hazırlanıb. Məqsəd müxtəlif yaş qruplarına daxil olan sakinlərin, xüsusilə uşaqların diqqətini cəlb etməkdir. Broşürlərin üzərində soyqırımının tanınması ilə bağlı əhaliyə müraciət ünvanlanıb.

Cenevrədə baş tutan sərgi sakinlər tərəfindən böyük maraqla qarşılanıb. Onlara Xocalı faciəsi ilə bağlı ətraflı məlumatın yer aldığı broşürlər təqdim edilib, erməni vandalizminin qınanılmasının vacibliyi qeyd olunub.

Belə sərgilər Bern, Sürix və Bazel şəhərlərinin mərkəzi meydanlarında da keçiriləcək. COVID-19 pandemiyası ilə əlaqədar irimiqyaslı tədbirlərin həyata keçirilə bilmədiyi dönəmdə bu formatda tədbirlərin keçirilməsinin məqsədəuyğunluğu nəzərə alınıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video